Badian canyoneering temporaryong sirad-an
CEBU, Philippines — Temporaryong sirad-an ang Badian Canyoneering Activity sulod sa tulo ka adlaw sugod Abril 12 hangtod Abril 14 karong tuiga.
Kini gumikan sa annual nga preventive maintenance schedule sa Matutinao Mini Hydro Plant.
“we would like to inform your good office that we will conduct dissilting in our dam on April 12-14, 2021. During this period, it would affect the water of Matutinao River that flows to the Kawasan Falls, is not safe for visitors and tourists as well to enjoy the beauty of the Falls” pagbasa sa sulat ni Marvin Virtucio ang plant supervisor sa Matutinao Mini Hydro Power Plant ngadto kang Badian Mayor Carmen Lumain.
Ang maong sulat gi-post kini ni Donald Villarin ang tourism officer sa Badian pinaagi sa iyang facebook account.
Dugang ni Virtucio nga ang katuyoan sa ilang kalihokan mao ang pag palambo sa power generating capacity sa planta nga matod pa karon “very critical and no more power reserve”.
Gisaad hinoon niini nga paspasan nila ang ilang dissilting aron makabalik na ang operasyon sa canyoneering adventure ug falls sa maong lungsod.
Ang operasyon sa canyoneering ibalik inig ka Abril 15, 2021 sumala ni Villarin. —MEL (BANATNEWS)
- Latest
