^

Alang sa mga senior citizen

Sanden J. Anadia (Banat) - April 8, 2021 - 12:00am

Dugang AstraZeneca vaccine ug Sputnik moabot sa Sugbo

CEBU, Philippines — Gikatakdang moabot sa sunod nga mga adlaw sa Siyudad sa Sugbo ang mga vaccine nga AstraZeneca ug Sputnik diin gitagana kini alang sa mga senior citizen.

Matud ni Mayor Edgardo Labella nga nipahibalo kaniya niini ang Philippine vaccine czar Carlito Galvez Jr.

Gibutyag ni Labella nga aduna sila’y direktang komunikasyon ni Galvez kinsa nipasalig kaniya nga usa ang Siyudad sa Sugbo sa mga hatagan og prayoridad sa bakuna.

Ug aron mawala ang kabalaka andam si Labella nga magpaturok og vaccine aron madasig ang ubang senior citizens nga magpabakuna usab.

Nasayran nga ubay-ubay ka senior citizens sa siyudad ang nagduha-duha pa nga magpabakuna.

Nasayran nga ang siyudad adunay 82,000 ka senior citizen diin dul-an lang sa 9,000 niini ang nagparehistro alang sa pagpabakuna.

Giingong ang maong mga vaccine alokasyon kini gikan sa national government. Ipadayon na usab karong adlawa ang pagmakuna sa health workers diha sa Robinson Galleria -Cebu ug UC Banilad.

Nasayran usab nga naabot napud ang dugang stocks sa Sinovac gikan sa national government.

Si Dr. Mary Jean Loreche, chief pathologist ug tigpamaba sa Department of Health-7 nibutyag nga kagahapon 14,400 doses nga Sinovac nga bakuna ang naabot.

Ang maong bakuna nga niabot maoy ikalima nga hugna nga niabot sa Central Visayas sa Sinovac doses diin una niadtong Marso 2, 2021 nga adunay 7,200; Marso 5nikabat ngadto sa 17,480; Marso 16 nikabat sa 40,000 ug Marso 30 nikabat sa 7,200 doses. Ug niadtong Marso 10, 2021 nikabat sa 30 mil ka doses sa AstraZeneca ang niabot.

Sa laing bahin, giandam  nasa kagamhanan  sa Dakbayan sa Mandaue ang City Cultural and Sports Complex sa Sitio Tribunal  sa Barangay Centro nga usa sa mga vaccination site sa siyudad.   Si Konsehal  Nerissa Soon-Ruiz, overseer sa COVID-19 vaccine board nagkanayon nga sa kasamtangan  anaa na sa 85 porsyento nga andam na ang maong complex.

Matud ni Ruiz nga ilang gi-target ang paghuman sa set-up tungod kay si Retired General Melquiades Feliciano, Inter-Agency Task Force (IATF) deputy chief implementer   for the Visayas ang gikatakdang mobisita niini.

Ang complex giingong maka-accomodate  kini og 600 ka tawo. —Rowena D. Capistrano, Romeo T. Limpangog/BDB (BANATNEWS)

SENIOR CITIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with