^

DOH, Cebu City ug probinsiya nireklamo sa paghingan og CVV

Rowena D. Capistrano (Banat) - April 8, 2021 - 12:00am

CEBU, Philippines — Nadismaya ang Department of Health-7 sa pagngalan og Central Visayas Variant sa PH Genome Center Reports niadtong Martes nga nikatap karon sa social media.

Ang Central Visayas Variant adunay 104 ka kaso base sa talaan sa PH Genome Center Reports.

Matud ni Dr. Mary Jean Loreche, chief pathologist ug tigpamaba sa DOH-7 nga ang maong ahensiya nipagawas sa maong taho nga nagngalan og Central Visayas Variant diin sila sa ilang ahensiya wala gipahibalo niini.

Ug wala usab sila hatagi og line list sa 104 nga kaso sa Central Visayas Variant aron unta mapaabot nila kini ngadto sa hingtungdan nga lokal nga kagamhanan.

Matud usab ni Loreche nga dili haom nga tawagon kini og Central Visayas Variant tungod kay dili us aka nasud ang maong lugar.

Ang maong paghingan og Central Visayas Variant giingong usa kini ka diskriminasyon ug makaapekto kini sa ekonomiya sa lugar tungod kay posibleng ang mga taga Central Visayas dili na pasudlo ngadto sa ubang lugar lakip na sa gawas sa nasud.

Ang DOH-7 mopadala og sulat ngadto sa ulohan sa PGC aron mangayo og katin-awan sa pagngalan og Central Visayas Variant ug sa pagpahunong usab sa paggamit usab sa maong pangalan tungod kay wala kini kapasikaran. Si Mayor Egardo Labella nipadayag usab sa iyang kasagmuyo sa pagpangalan og Central Visayas Variant.

Samtang si Gobernador Gwendolyn Garcia wala usab kini makauyon kabahin sa paghingan og Central Visayas Variant.

"It is unfair and reckless. I would caution those that have taken it upon themselves to call this variant of concern as Central Visayas Variant unless they really believe Central Visayas or Cebu for that matter is another country”, matud ni Garcia.

Sa laing bahin, si Loreche nakurat nga nalakip ang Central Visayas nga gi-ban sa pagsulod sa Western Visayas nga unta nagkaubos man ang kaso sa COVID-19 sa Central Visayas. Gani ang Central Visayas nakapadala og health workers ngadto sa National Capital Region aron motabang sa pakigbatok sa COVID-19. —Decemay P. Padilla, Le Phyllis F. Antojado/BDB (BANATNEWS)

DOH
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with