^

Lapu-lapu nagtinguha nga madeklarar nga holiday ang Abril 27

Romeo T. Limpangog (Banat) - April 8, 2021 - 12:00am

CEBU, Philippines — Gitinguha sa kagamhanan sa Dakbayan sa Lapu-Lapu nga madeklarar ni Presidente Duterte nga Non-Working Holiday ang Abril  27, 2021 nga maoy adlaw sa pagsaulog  sa ika 500 ka tuig nga kasumaran sa Kadaugan sa Mactan.

Si Mayor Junard Ahong Chan miingon nga kini maoy unod sa resolusyon sa konseho sa dakbayan nga gipadala ngadto sa Malacañang.

Sa ilang resolusyon ilang gipasabot ang kamahinungdanon ug kabayanihon nga gihimo ni Datu Lapu-Lapu nga maoy naghatag og makasaysayanong hitabo human naangkon sa nasud ang unang kadaugan pinaagi sa pagbuntog kang Ferdinand Magellan sa ilang panagsangka sa Isla sa Mactan niadtong Abril 27, 1521.

Si Presidente Duterte gilauman nga motambong sa selebrasyon ug suma pa ni Chan nga atol sa kalihokan ang mga guest ug ingon man kadtong motan-aw sa aktuwal nga reenactment sa Battle of Mactan kinahanglan nga makapakita og resulta sa RT-PCR test sa dili pa kini mosulod  sa Shrine sa Barangay Mactan diin adto himoon ang reenactment.

Samtang gipangandaman na usab ang motorkada subay sa kasaulogan sa 500 Years of Christianity dinhi sa Sugbo.

Usa ka coordination meeting ang gipahigayon sa Dakbayan sa Talisay alang sa pagahimoon nga motorkada sa adlaw nga Lunes April 12, 2021.Ang tigum gitambungan ni Fr. Charles Louis Jayme, Chairman sa Street Enhancement sa Archdiocese of Cebu, Lt. Col. Gerard Ace Pelare, Hepe sa Kapulisan, Joy Tumulak, pangulo sa CT-TODA ug mga Barangay Kapitan ug kaparian.

Atol sa maong motorcade procession makita ang imahe sa Snr. Sto. Niño ug Jubilee Cross. Sugdan ang motorkada sa Abril 11 dinhi libot sa Cebu City, ug sa April 13 ngadto sa Cebu City North padulong ngadto sa Lapu-Lapu City ug Cordova. —Rowena D. Capistrano/MEL (BANATNEWS)

LAPU-LAPU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with