_banat
^

Banat Balita

CAD miabag sa mga mag-uuma nonot sa pagsugod na sa ting-init

Sanden J. Anadia - Banat

CEBU, Philippines — Sa pagsugod na sa dry season sa nasud , nakaalerto usab karon ang  Cebu City Agriculture Department (CAD) alang sa hugot nga monitoring  sa mga mag-uuma sa siyudad.

Gitataw hinoun sa pangulo sa CAD nga si Joel Baclayon nga sa ilang pasiuna nga pag-monitor, wala pa’y nahatag nga danyos sa mga mag-uuma ang grabeng kainit sa panahon.

Napanglantawan hinoun ni Baclayon nga usa kini sa mga resulta sa kanunay nila nga pagpahigayon og lecture o mga training sa mag-uuma alang sa pagpangandam sa bisan unsa nga mga panghitabo sama sa ting-init.

Usa sa gihingusgan karon sa CAD mao ang pag-establisar og mga tinubdan sa tubig aron dili gyud maughan ang gipangtanom sa mga mag-uuma.

Duna pud silay gipanudlo nga moderno nga mga pamaagi sa pagtanom.

Una na nga gibutyag ni Baclayon nga dunay kapin sa 8,000 ang rehistradong mag-uuma sa Siyudad sa Sugbo.

Matud pa niya nga gitabangan nila kini aron ma-enrol sa Philippine Crop Insurance Corp.

Niya pa nga dili gyud matag-an ang panahon busa importante kaayo nga naka-enrol ang mag-uuma sa PCIC.

Bisan pa man sa pandemya, giingong nakahaw-as rapud ang mga mag-uuma gumikan sa tulin nga pagpamaligya nila sa ilang mga produkto.

Nakatabang usab sa dali nga pagbaligya sa ilang produkto mao ang pagtikang sa ilang traders o distributors ngadto sa ilang mga lokasyon. MEL (BANATNEWS)

CEBU CITY AGRICULTURE DEPARTMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with