^

Banat Balita

P3.1 milyones shabu ug marijuana nasakmit

Romeo Limpangog - Banat

CEBU, Philippines — Mokabat sa P400 mil nga kantidad nga tanom nga Marijuana ang nadiskubrehan sa mga sakop sa Asturias Police Station sa Purok 1, Barangay Kaluangan sa bukirang bahin sa Lungsod sa Asturias niadtong Huwebes Santo, Abril 1, 2021.

Si  Police Major Gilfred Baroman, hepe sa kapolisan sa Asturias Police  Station kinsa maoy nangulo sa maong operasyon  miingon nga gibanabanang 1,000 ka fully- grown marijuana ang ilang gipang-ibot sa maong dapit.

Ang gitamnan niini nahimutang lang usa ka  kilometro gikan  sa karsada ug gituohang kini tinanom sa usa ka Renante Camaongay nga giingong notado na sa maong dapit sa pagpananom sa maong illegal nga tanom, ang suspek nakaikyas dayon.

Kun kahinumdoman, Pebrero 24, 2021 sa dihang ang mga sakop sa Philippinre Drug Enforcement Agency  (PDEA) 7 ang nakalarot sab og mokabat P8.7 milyones nga tanom nga marijuana diha sa Barangay Kaluangan sa mao gihapong lungsod.

Sa pikas bahin, P2.7 milyones nga balor sa drugas ang nasakmit sa mga tinugyanan sa Philippine Drug Enforcement Agency Central Visayas sa gipahigayon nilang buy bust operation sa may Barangay Tawala, Panglao Bohol, Sabado sa buntag.

Ang nasikop mao si Vincent Vicente, 39, taga Getafe,  Bohol. Ang operasyon gilusad sa hiniusa nga pwersa sa PDEA-7 ug PRO-7 ug lokal nga kapolisan sa lungsod sa Panglao.

Nasakmit gikan kaniya ang 400 gramos nga gidudahang shabu nga mobalor og P2,720,000.00, buy bust money ug non-drug evidences.

Ang tigpamaba sa PDEA-7 Leia Albiar-Alcantara, nitug-an ang maong dinakpan, bag-ohat lang nakapiyansa tungod sa paghupot og illegal nga drugas diha sa police checkpoint sa Talibon –Rowena D. Capistrano (BANATNEWS)

DRUGS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with