^

Laing biktima sa polis sa Sawang Calero Police Station nitumaw

(Banat) - April 4, 2021 - 12:00am

CEBU, Philippines — Human mapasaka ang kasong robbery ug rape batok sa mga polis sa Sawang Calero Police Station usa ka negosyanteng babaye ang nitumaw kagahapon.

Ang maong babaye nibisita diha sa Integrity Monitoring and Enhance Group Visayas Field Unit (IMEG-VFU) ug nipasangil sa lima sa 11 ka polis nga gikasohan ug laing duha ka polis nga gikawatan ug gi-tortured siya niini niadtong Marso 26, 2021.

Matud sa maong babaye nga niadtong kadlawon sa Marso 26, 2021 lima ka tawo na nagmaskara ang nisulod sa ilang balay diha sa Barangay Guadalupe ug nangita sa usa niya ka higala. Ang maong babaye nagkanayon nga dugay na silang wala na magkita sa nahisgutan niyang higala.

Ang biktima nipasangil nga dihang wala makita sa maong mga lalaki ang ilang gipangita giablihan niini ang ilang vault ug gidala ang ilang mga alahas ug cellphones.

"Ila kong gikuha, gidala ko nila sa station 6,human ana gidala ko nila sa luyo,naa man silay room didto nga gamay, nya gi-tortured ko nila, gi-hold ko nila for four days, then naa koy mga pasa,ila kong gilumsan, ila kong gibutangan og plastic bag”, pasangil sa maong babaye ngadto sa mga polis.

Ang bana sa biktima giingong nakasaksi kini sa gibuhat sa polis diha sa ilang balay ug giingnan kini sa mga polis nga dalhon ang iyang asawa aron ilang sukit-sukiton. Ug dihang gibisita niya ang iyang asawa sa police station pagkasunod adlaw wala kini niya makita tungod kay giingong gitago kini sulod sa usa ka kwarto.

Matud sa biktima nga naghambin siya og sakit sa kasing-kasing ug dihang hapit na siya atakeha una pa siya gihunongan og tortured sa mga polis.

Giingong sulod sa upat ka adlaw pan ug tubig lang ang gihatag nga pagkaon ug mainom kaniya sa mga polis.

"Gi-release ra ko nila,kay wala man sila’y ma-charge nako, pag-gawas nako ila ko giingnan nga dili ko ganahan makadungog og anything nga reklamo against namo ha?, kay gipagawas na baya ka namo, kahibawo naka kong unsay mahitabo”, matud sa biktima.

Si Police Brigadier Gerneal Ronnie Montejo, direktor sa Police Regional Police Office-7 niila sa mga gipasanginglan polis nga sila si Police Staff Sergeant Celso Colita, Police Chief Master Sergeant Eric Edgar Emia, Police Corporal Rochelito Mabulay, Police Corporal Emmanuel Martinez, PSSg Joseph Alcoseba, PSSg Michael Rhey Cabizares, PCpl Ejill Ferrolino, PCpl Carlo Irizari, PCpl Junel Pedroza, PCpl John Carl Aceron and PCpl Georny Abrasado.  —The Freeman/BDB

ROBBERY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with