_banat
^

Banat Balita

Karsada nga nagkonektar sa Carcar ug Aloguinsan ayohon

Le Phyllis F. Antojado - Banat

CEBU, Philippines — Gipaabot nga mas hapsay na ang pagbyahe sa mga tawo nga gusto mo agi gikan sa syudad sa Carcar padulong sa Lungsod sa Aloguinsan.

Kini sa higayon nga mahuman na sa pag-ayo ang Awayan-Valencia-Zaragosa road nga nag konektar sa Carcar City ngadto sa Lungsod sa Aloguinsan diin gipahigayon na ang groundbreaking sa proyekto niadtong Marso 23, 2021.

Ang maong dalan, nahimong hasol agian sa mga mobyahe hilabina ang mga mag-uuma ug traders nga nagkarga sa ilang produkto tungod kay dili maayo ang dalan sa maong dapit.

Unang gisaad sa kapitolyo nga ayohon niini ang dalan sa Sitio Awayan Poblacion III, Valencia ngadto sa Zaragosa sa Aloguinsan ubos sa 2020 annual budget sa Probinsya.

Ang maong dalan gi-aspalto pa kaniadto apan wala na mamintinar.

“Maong nia na ni ron, ga-groundbreaking na ta. Kahibawo ko nga dugay na ni kaayo ninyong gihandom. Mosumpay ni didto sa Calidngan ug Buenavista,” matod ni Governor Gwendolyn Garcia.

Sa report sa Sugbo News, ang gidumala nga news portal sa Probinsya sa Sugbo, ang roadwork sa 6.428-kilometer stretch sa dalan nag gikan sa trust fund sa Conditional Matching Grant to Provinces (CMGP) alang sa 2020 sa Department of Interior and Local Government nga mokantidad og P108.4 million. MEL (BANATNEWS)

CARCAR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with