^
Delivery boy naghatud og shabu
Ang mga sakop sa City Drug Enforcement Unit sa CCPO gipangulohan ni Police Major Jonathan Bethoven Taneo maoy nakadakop sa suspek alas 11:55 byernes sa gabii human nakakuha sila og impormasyon bahin sa modus operandi niini.
STAR/File

Delivery boy naghatud og shabu

Romeo Marantal (Banat) - March 7, 2021 - 12:00am

CEBU, Philippines — Laing delivery rider ang nasikop sa gihimong buybust  operation ug nakuhaan kini og kapin sa P7.1 milyones  nga balor sa gidudahang shabu niadtong Biyernes sa gabii diha sa dalan Climaco, Barangay Ermita sa Dakbayan sa Sugbo.

Ang nadakpan mao si Carlo Magno Escoton Tude alyas “Bowwow”  residente sa maong barangay.

Ang mga sakop sa City Drug Enforcement Unit sa CCPO gipangulohan ni Police Major Jonathan Bethoven Taneo maoy nakadakop sa suspek alas 11:55 byernes sa gabii human nakakuha sila og impormasyon bahin sa modus operandi niini.

Si Tude gikonsiderar nga High Value Individual Regional Level ug giingong dinagko ang transaksyon niini sa illegal nga drugas.

Matud pa ni Taneo nga tulo ka semana nilang gimonitor ang kalihokan ni Tude nga miresulta sa pagkasikop niini.

Nasuta sab nila nga naa sa Cebu City Jail ang contact ni Tude nga maoy tigsuplay kaniya og shabu.

Si Tude  sa dihang gikahinabi sa Banat News miingon nga hapit na usa ka tuig siya sa maong illegal nga negusyo. Apan iyang giklaro nga tighatud ra gyud siya ug dili tigbaligay niini. Matud niya P10 mil ang suhol kaniya matag hatud og drugas.

Atol sa maong operation nakuha gikan sa posisyon ni Tude ang 1,050 gramos sa gidudahang shabu nga ko balor og  P7.1 milyones.

Ang suspetsado anaa karon gibalhog sa Cebu City Police Office paaakaan og kasong kalapasan sa Sec.5 Sec.11 Art.2 RA 9165 kung paghupot ug pagpamaligya og ginadiling drugas.

Niadtong miaging adlaw, nadakpan sab ang laing delivery rider nga si  Are Angco Jumao-as 35 residente sa Barangay Ermita, diha gihapon sa maong dalan apan sa habig na sa Barangay Pahina-Central.

Si Jumao-as nakuhaan og 51 gramos nga gidudahang shabu nga mobalor og  P346,800. —IBM (BANATNEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with