^
Sinovac, way âadverse effectâ
Gawas sa sakit sa tinusokan sa dagom sa ineksyon, way gipamati sa lawas si Dr. Mary Jean Loreche ang tigpamaba sa Department of Health (DOH-7) kinsa usa sa mga unang tawong gibakunahan niadtong Marso 4,2021 sa gihimong ceremonial vaccination diha sa VSMMC.
JOY TORREJOS

Sinovac, way “adverse effect”

(Banat) - March 6, 2021 - 12:00am

Cebu, Philippines — Unang batch sa mga medical frontliners sa Vicente Sotto Memorial Medical Center ug Department of Health -7 nga nabakunahan adtong Marso 4, 2021 walay nasinating “adverse effect” human sila naturokan sa Sinovac vaccine.

Mao kini ang gibutyag ni Dr. Mary Jean Loreche ang tigpamaba sa Department of Health (DOH-7) kinsa usa sa mga unang tawong gibakunahan nianang adlawa kauban silang Dr. Gerardo Aquino ang hepe sa VSMMC, Major General Melquiades Feliciano ang Chief Implementer sa IATF Central Visayas ug uban pa nga hospital staff,  nagkanayon nga wala ra siya gipamati human nga gibakunahan.

“I don’t feel any untoward events even after vaccination. It’s been almost 24 hours, except sa a little pain sa injection side. I don’t have nausea (nalipong), vomiting or feeling of weakness headache, wala siya,” matud ni Loreche.  Dugang sa tigpamaba sa DOH-7 nga wala sab silay nadungog nga reklamo gikan sa mga hospital staff sa VSMMC nga nagpabakuna sa samang adlaw.  Kagahapong adlawa dugang 500 ka hospital staff sa VSMMC ang gibakunahan.

Ang adverse effect nagpasabot nga dili maayong epekto sa bakuna diha sa pasyenteng giturokan.

Age limit?

Sa laing bahin, si Loreche miesplikar nganong wala moapil pagpabakuna si DOH-7 regional director Dr. Jaime Bernadas kini tungod kay 62 anyos na kini ug lapas na age limit sa gilatid para sa Sinovac vaccines.

“He really wanted to, as a matter of fat we even had to submit a personal letter request to the central office not allow him to be vaccinated, but then again, the answer was no kay again based on the guidelines it’s only up to 59 years of age,” matud ni Loreche.

Unang niabot sa Sugbo ang 7, 200 dose nga Sinovac vaccines niadtong Marso 2 alang sa mga medical frontliners sa VSMMC.  Ang sobra niini iapod-apod ngadto sa ubang health facilities nga gidumala sa DOH.

Dugang bakuna

Dugang nga 17, 480 ka mga doses sa Sinovac vaccines ang niabot sa Sugbo kagahapong adlawa alang gihapon sa mga medical frontiners.

Si Loreche  miingon nga kining mga bag-ong nangabot alang kini sa mga medical staff sa mga level 3 nga private ug public nga tambalanan.

“Sa atong allocation sa niabot nga 17, 480, actually this will involved the private and government (hospitals) also,” matud ni Loreche.

Ang uban sa maong mga bakuna gihatod kagahapon sa Siquijor, Bohol ug Negros Oriental.   Matod ni Loreche nga sa Bohol gitanaan og 6, 576 doses; Siquijor 28,  Cebu 4, 954, Negros Oriental 2, 735 ug Cebu City 9, 183.

“If you look at it, ang total number of healthcare workers nato nga naa sa hospitals, including sa infirmaries, we really need for two doses already, a total of around 60, 000 doses,” matud ni Loreche. Sa mga mosunod nga adlaw gipaabot nga duna pay dugang nga bakuna alang sa mga level 2 ug level 1 hospitals ug kadtong anaa sa mga isolation facilities. (BANAT NEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with