Di magkumpiyansa
Cebu, Philippines — Si Mayor Edgardo Labella sa Dakbayan sa Sugbo mipahimangno sa katawhan nga bisan nagsugod na ang pagpamakuna dili gihapon maayong mokompiyansa ang publiko.
“I would like to remind my fellow Cebuanos nga bisan pa man og nasugdan na ang rollout sa atong vaccination program starting with our healthcare workers, dili gihapon ta magkumpiyansa aron mas mahimo kitang luwas sa COVID-19 infection,” suma pa sa mayor.
Matud pa niya nga kinahanglan gihapon tumanon ang health protocols.
“We should never be complacent nga naa nay vaccine kay the vaccine is not a substitute for our minimum health protocols,” dugang pagpasabot sa mayor.
Suma pa ni Labella nga nagsaka ang kaso sa COVID19 sa Cebu City busa magbinantayon kanunay.
“Magsul-ob gihapon kita og face mask ug face shield, manghunaw sa kamot and observe proper hygiene, ug mag-maintain sa social distancing,” nagkanayon si Labella.
“Giawhag nako ang katawhan nga bisan pa og na-vaccinated na kamo, let us please maintain these health protocols. Alang bitaw ni sa atong kaayuhan ug sa kaluwasan usab sa atong mga mahal sa kinabuhi,” panapos ni Labella. — Rowena Capistrano , Sanden J. Anadia (BANAT NEWS)
- Latest
