^

Labella balik City Hall sunod semana

Decemay Padilla (Banat) - March 6, 2021 - 12:00am

Cebu, Philippines — Posible sa sunod semana mobalik og tambong sa trabaho diha sa Cebu City Hall si Cebu City Mayor Edgardo Labella human sa taas nga panahon niini nga nag-work from home gikan kini nakagawas sa tambalanan tungod sa impeksyon sa dunggan.

Si Labella miingon nga maayo na ang iyahang sitwasyon karon . Matud sa mayor ang wala niya pagtambong sa opisina dili iyang pagbuot kondili sa mga doktor kay gipalikay una siya og mga lugar nga adunay daghang mga tawo ilabi na sa iyang pangidaron kay siya senior citizens na ug immune-compromisedug peligro kaayo nga mataptan og COVID-19.

“But anyway mga next week siguro moanha nako sa ato (City Hall) kay ako sa gipalimpyuhan gyud. Disinfect ang akong kitchen ug ang akong kanang private diha nga para kung naa koy mga importante nga suwaton o tun-an mao may pirmi nga pagalimpyuhan sa akong janitress nga na COVID sad ‘tawon. So I had it disinfected so baka by next week siguro pwede na,” sigon pang Labella.

Gipahibawo sab niya nga sa pagkakaron, dunay mga kawani sa Engineering Department, Office of the Building Official, Accounting ug Sangguniang Panlungsod nga nagpositibo sa coronavirus.

Gimanduan ni Labella si City Administrator Atty. Floro Casas nga mopagawas og memorandum aron himuong half-day ang trabaho sa City Hall aron paghatag og higayon sa disinfection nga himoon sa mga buhatan sa City Hall.

“Kung di mahuman karon, Sabado ug Domingo ipadayon gyud ang pag-disinfect sa entire building tungod sa mga daghang kaso karon nga naa diha nga nigawas,” dugang pa niya.

Sa pikas bahin, gipadayag ni Labella nga andam siyang magpabakuna batok coronavirus kung itugot sa mga doktor bisan sa iyang pangidaron nga usa na ka senior citizen.

Matud pa ni Labella ang bakuna dili para lang sa kaluwasan sa tawong gibakunahan kondili para sab sa kaluwasan sa pamilya niini nga maoy pirmeng ikauban.

Andam ra unta siya sa Sinovac vaccine apan nakabutang man nga para lang kini sa 18 anyos hangtud 59 anyos lang.

Magpaabot lang kung unsa nga bakuna ang angay para kaniya base usab sa rekomendasyon sa iyang doktor.

Mapasalamaton hinuon siya nga nalakip ang Sugbo sa nahatagan sa bakuna ilabi na para sa mga healthcare workers nga nag-atiman sa mga Covid-19 patients. – Rowena D. Capistrano (BANAT NEWS)

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with