143 bag-ong kaso napuno sa Cebu City
CEBU, Philippines — Base sa datos nga gipagawas sa Department of Health Central Visayas niadtong Huwebes, Marso 4 ang Cebu City nakatala og dugang 39 ka pasyenteng nangaayo sa Covid-19 maong miabot na og 14,063 ang naayo gikan sa 18, 134 niini ka mga kaso.
Apan 3,316 lang nini ang aktibong mga kaso human napun-an og 143 nianang adlawa, samtang duha ang napuno sa mga nakalas nga karon nahimo nga 755.
Ang Mandaue City dunay 933 active cases sa ilang kinatibuk-ang 4,394 ka mga kaso tungod sa napunod nga 68 ka bag-ong kaso.
Samtang 3,276 na ang nangaayo niini kay napun-an og 42 samtang 185 lang gihapon ang nakalas.
Ang Lapu-Lapu City duna sab 874 active cases sa 4,384 ka total cases nioini human dunay 51 nga napuno. Sa kinatibuk-an, ang siyudad nakatala og 3,385 recoveries human nadugangan og 59 ug 125 ang namatay human napun-an og usa.
Ang DOH-7 miingon nga ang rehiyon nakatala na og 40,431 total cases; 6,850 lang niini ang active cases; 31,964 na ang nangaayo ug 1,617 ang nakalas. (BANAT NEWS)
- Latest