Pagpahigayon sa “Way of the Cross” adunay kalahian
Cebu, Philippines — Palahi nga “way of the cross” ang himuon sa Santo Niño Parish sa Barangay Mohon, Dakbayan sa Talisay sugod sa Biyernes sa sunod semana. Kini aron kalikayan ang paglapas sa health protocols sama sa social distancing ug uban pa nga makatapok ang mga tawo. Si Padre Jonas Mejares nibutyag nga tulo ka Biyernes na nga wala sila’y way of the cross sukad nga gisugdan ang pagbadlis sa agtang subay sa kwarisma.
Ang naandan molibot ang mga tawo diha sa pipila ka lugar nga giplastaran sa kada estasyon sa kuros.
Apan karon virtual na nila kini nga pagahimuon diin ang mga tawo mosulod sa simbahan ug motan-aw ug mag-ampo samtang adunay way of the cross nga makita.
Ang paagi susama lang sa mga naandan nga misa nga limitahan gihapon ang mga tawo nga makasulod ug magtuman sa health protocols. Ang mga naandan nga kalihokan samtang nagsingabot ang kwarisma magpadayon apan adunay kausaban sa pagpahigayon niini paglikay sa COVID-19. (BANAT NEWS)
- Latest
