^

Health worker nagpabakuna na

Le Phyllis F. Antojado (Banat) - March 5, 2021 - 12:00am

CEBU, Philippines — Dili momenus 50 ka hospital staff sa Vicente Sotto Memorial Medical Center ug kadagkoan sa Department of Health-7 ug sa maong tambalanan ang nagpabakuna og Sinovac kagahapon sa hapon.

Si Dr. Gerardo Aquino ang hepe sa VSMMC maoy labing una nga nagpabakuna kagahapong adlawa uban nila ni Dr. Juanito Tiu hepe sa St. Anthony Mother and Child Hospital, Dr. Pythagoras Zerna sa Eversley Child Sanitarium and General Hospital.

Hasta mismo si retired Major General Melquiades Feliciano ang Chief Implementer sa Inter-Agency Task Force Central Visayas ug Dr. Mary Jean Lorech ang tigpamaba sa DOH-7 nagpabakuna usab.

Si Presidential Spokesperson Harry Roque maoy usa sa nisaksi sa ceremonial vaccination uban nila ni Health Undersecretary Gerardo Bayugo, IATF Deputy Chief Implementer Vince Dizon, DILG Undersecretary Marjorie Jalosjos ug mga regional health officials ug local officials sa Sugbo sama nila ni Cebu City Mayor Michael Rama, Mandaue Mayor Jonas Cortes, Lapu-Lapu City Mayor Junard "Ahong" Chan ug Board Member Kerrie Keanne Shimura isip representante sa Probinsya sa Sugbo.

Ang maong mga opisyal nipirma sa Pledge of Commitment nga nagsaysay nga sila mosuporta sa Covid-19 program sa DOH.

Sa 2,900 hospital workforce sa VSMMC, 1,246 ang niuyon nga magpabakuna og Sinovac matud ni Aquino ug malaumon siya nga mosaka pa kini.

Pipila ka minuto human sa ilang pagpabakuna, matod sa mga opisyal wala ra sila makasinati og adverse effect.

"Wala naman, okay lang. So far it's good," matud ni Feliciano kinsa nagkanayon nga gawas sa sakit sa tinurokan nga normal ra kun bakunahan wala na silay laing gipamati.

Ang ceremonial innoculation gipahigayon sa VSMMC Center for Behavioral Sciences.

Matud pa sab ni Aquino, dili momenus sa 400 ka hospital staff sa VSMMC ang bakunahan matag adlaw ug ang sobra kay adto ihatag sa mga gidumala nga hospital sa DOH sama sa Eversley Childs Sanitarium and General Hospital ug St. Anthony Mother and Child Hospital.

Gipaabot sa mga opisyal sa DOH nga mas modaghan pa ang mga medical frontliners nga magpabakuna.

"We really expect that since we show the way that Sinovac vaccine is really safe," matod ni Loreche.

Aztrazeneca

Gipaabot usab nga magahinan ang Sugbo gikan aa 487, 200 Astrazeneca vaccines nga niabot kagabii sa Pilipinas apan wala pa masuta kun pila ang mahatag sa Sugbo ug Central Visayas.

Dili momenus 7,000 dugang Sinovac vaccines pa ang moabot sa Sugbo sunod semana nga alang gihapon sa mga medical frontliners.

Matod ni Roque, ang mga medical frontliners nga dili magpabakuna sa Sinovac mamahimong mopili sa Astrazeneca tungod kay boluntaryo man kini.

Bohol, negor

Samtang gipaabot nga karong adlawa Marso 5 mahatud na  ang 9,640 doses sa Sinovac vaccines ngadto sa Bohol ug Negros Oriental sumala pa sa Office of the Presidential Assistant in the Visayas (OPAV).

Sumala pa sa post sa OPAV sa ilang Facebook page, ang Governor Celestino Gallares Memorial Hospital (GCGMH) sa Tagbilaran City, Bohol gahinan og 8,440 vials, samtang ang Silliman University Medical Center Foundation, Inc. sa Dumaguete, Negros Oriental hatagan og 1,200 vials.

Ang maong mga bakuna gikatakdang moabot sa Mactan Cebu International Airport gikan sa Manila alas 7:40 sa buntag ug dad-on kini diretso sa Vicente Sotto Memorial Medical Center (VSMMC) Cold Room alang sa pagbahig una pa ipadala ngadto sa Bohol ug Negros Oriental.

Ang Office of Civil Defense- Central Visayas (OCD-7) nga maoy in-charge sa logistics mihangyo sa OPAV pinaagi sa ilang Assistant Regional Director Engr. Neil Balaba nga mapadala ang maong mga bakuna sa maong mga       probinsya.

Ang OPAV mihangyo kang PNP Maritime Group-Regional Maritime Group 7 Chief PCol. Rizalino Padrique aron mahatud sa ilang patrol boats ang para sa Bohol u gang Philippine Navy sab para sa Negros Oriental. —IBM (BANATNEWS)

HEALTH WORKER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with