^

Direktor sa CCPO deriyot nabiktima sa mga mangingilad

Decemay P. Padilla (Banat) - March 5, 2021 - 12:00am

CEBU, Philippines — Ang director sa Cebu City Police Office (CCPO) Police Colonel Josefino Ligan deriyot kini nabiktima sa mga giingong mangingilad kinsa manawag sa mga kan-anan aron mo order o magpa-reserve og pagkaon unya manggamit og ngalan sa laing tawo.

Kini ang gibutyag ni Police Lieutenant Colonel Wilbert Parilla, deputy city director for operations sa CCPO.

Matud ni Parilla nga maayo gani nga ang catering company nga gitawagan niadto sa CCPO ug nisusi kong tinuod ba nga nag-order o nag-reserve si Ligan.

Ang maong mga mangingilad moingon nga magkita aron magbayranay dayon mosulti nga magpa-load tungod kay naalanganin ug giingong padong na kini sa lugar asa sila magkita apan diay dili tinuod.

Ang kapolisan sa Siyudad sa Sugbo daghan na kining nadawat nga report kabahin sa samang klase sa pagpangilad ug ilaha na kining gisubay base sa cellphone numbers nga gigamit.

Sayo pa, ang maong insidente nitumaw usab sa Cebu City Hall diin adunay mga gi-deliver nga pagkaon tungod kay giingong adunay konsehal nga nag-order og pagkaon apan diay to gigamit lang ang ngalan sa konsehal.

Ang kapolisan niawhag sa katawhan nga magmatngon batok sa mga mangingilad. Makig-alayon ang CCPO sa Cybercrime Unit aron mahatag ang maong mga numero ug masusi kon active pa ba kini o dili na. —BDB (BANATNEWS)

CCPO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with