149 ka violators sikop sa Cebu City ug Mandaue
CEBU, Philippines — Nikabat ngadto sa 120 ka violators ang nadakpan atol sa gipahigayong “Oplan Bulabog” sa Cebu City Police Office ug kagamhanan sa Dakbayan sa Sugbo sukad niadtong Marso 1, 2021.
Nasayran nga 95 ka establisamento sa siydad ang gipaubos nila sa inspeksyon.
Base sa report sa Cebu City Public Information Office nga sa 120 violators, 12 niini mga menor.
Gawas sa Oplan Bulabog gihimo usab nila ang “Oplan Badlong Rekorida” ug adunay Task Force Kasaligan kinsa mag-roving diha sa kabarangayan.
Sa laing bahin, gilauman sa kapolisan sa Mandaue City Police Office (MCPO) nga mokunhod na ang gidaghanon sa ilang madakpan nga nakalapas sa health protocols.
Si Police Major Zosimo Jabas, hepe sa operations and Management Unit sa MCPO nibutyag nga niadtong Biyernes, Sabado ug Domingo 29 ka violators ang ilang nadakpan.
Matud usab ni Jabas nga kasagaran sa ilang mga nadakpan kadtong anaa sa mga sudlonon nga lugar kinsa kompiyansa lang sa pagtuo nga walay polis nga magpatrolya. —Romeo T. Limpangog/BDB (BANATNEWS)
- Latest
