Special registration himoon alang sa kababayen-an
CEBU, Philippines — Subay sa kasaulogan sa Women's Month karong bulan sa Marso, adunay special registration day ang Commission on Elections (Comelec) ngadto sa kababayen-an diin sila maoy hatagan og unang pagtagad sa pagparehistro.
Matud ni Atty Lionel Marco Castillano ang Provincial Election Supervisor sa Sugbo adunay mga comelec office nga nag-andam og tokens alang sa mga babaye nga registrants.
"Other offices are giving something sa mga magparehistro nga babaye such as plants, mugs, and other token just to encourage them" matud ni Castillano.
Samtang si kanhi Comelec Commissioner Gregorio “Goyo” Larrazabal kinsa nilibot sa nagkadaiyang lugar sa Pilipinas pagtabang sa Comelec alang sa education campaign niini nagkanayon nga mas maayo nga magparehistro gyud alang sa umaabot nga eleksyon.
Saysay niya nga adunay uban nga makiglalis sa social media kalabot sa politika apan wala diay mobotar pag eleksyon.
"Almost every day naay mag-away bahin sa politika pero pangutan-on ang uban kun rehistradong botante ba mo,ang uban moingon dili. Pangutan-a na sila kung naka vote ba sila sa niaging election? Ang tubag, wala. Nganong wala? 'Ay kay busy man ko'. Pero naay oras mag away sa facebook and social media pero wala silay oras magparehistro" matud ni Larrazabal.
Dugang sa kanhi Comelec Commissioner nga mas maayo kun mobotar sa piniliay tungod kay kabahin kini sa democratic process.
Ang registration period mahuman kini karong Septembre 30, 2021. Ang mga gusto magparehistro moadto lang sa buhatan sa comelec matag Martes hangtud Sabado gikan sa alas 8 sa buntag hangtud sa alas 5 sa hapon. —MEL (BANATNEWS)
- Latest
