^
Comelec wala pa makaabot sa target sa gidaghanon sa magparehistro
Si Atty. Lionel Marco Castillano, provincial election officer.
Le Phyllis F. Antojado

Comelec wala pa makaabot sa target sa gidaghanon sa magparehistro

Le Phyllis F. Antojado (Banat) - March 3, 2021 - 12:00am

CEBU, Philippines — Giawhag sa Commission on Election (Comelec) Cebu Province ang publiko nga magparehistro na karon samtang wala pa magdasok ang mga tawo sa Comelec offices.

Gibutyag ni Atty. Lionel Marco Castillano, provincial election officer nga wala pa maabot sa one percent sa ilang gi-target nga 5 porsyento nga gidaghanon sa bag-ong magparehistro. Nasayran nga mas daghan pa ang nawagtang sa listahan tungod kay pakyas pagbotar sulod sa duha ka higayon. Dako nga natampo sa ubos nga turnout sa voter’s registration ang pandemiya sa COVID-19 ug mas nimubo ang oras sa pagparehistro.

Nasayran nga sa niaging tuig ang registration matag Lunes hangtud Hwebes gikan sa alas 8:00 sa buntag hangtud sa alas 3:00 sa hapon apan karon gihimo na kini nga alas 8:00 sa buntag hangtud sa alas 5:00 sa hapon gikan Martes hangtud Sabado. Subay niini, gibutyag ni Castillano human sa registration karong Septiyembre 30, 2021 isunod dayon ang filing sa Certificate of Candidacy (COC) nga magsugod sa Oktubre 1 hangtud sa 8, 2021 apil na niini ang adlaw nga Sabado ug Domingo.

Matud usab ni Castillano nga ang election period magsugod sa Enero 9, 2022 diha usab magsugod ang gun ban, pagdili sa pag-transfer sa government employees ingon man ang suspension sa local elective officials.

Magsugod ang kampaniya sa national positions sama sa presidente, bise presidente, ug partylist sa Pebrero 8, 2022, diin 90 ka adlaw sa dili pa ang eleksiyon karong Mayo 9, 2022.

Alang sa local positions gikan kongresista, gobernador ug municipal councilor magsugod sa Marso 25, diin 45 ka adlaw sa dili pa ang piniliay.

Ang Comelec nangandam na kini sa new normal nga sitwasyon. Usa sa ilang gisugyot nga ang tanang poll workers sama sa Comelec, kapolisan, kasundalohan ug mga magtutudlo nga magserbisyo sa eleksiyon nga unta mabakunahan na kini aron protektado sila batok sa virus atol sa eleksiyon.

Samtang ang Comelec sa Dakbayan sa Talisay mohatag og espesyal nga linya sa mga kababayen-an.

Kini subay sa pagsalmot sa maong buhatan sa women’s month. Ang comelec sa Talisay adunay schedule gikan sa Marso 2 hangtud sa Marso 12, 20201. Sa Marso 2, 2021 schedule sa kababayen-an sa Barangay Manipis, Campo 4 ug Jaclupan.

Mosunod dayon ang Candulawan ug Bulacao sa Marso 3; Barangay Lagtang, San Isidro ug Tabunok sa Marso 4;  Barangay Linao, Lawaan 1, Lawaan 2 ug Lawaan 3 ang sa Marso 5; Marso 9 ang Barangay Maghaway ,Tapul ug Cansojong; Marso 10 ang Barangay Pooc, Biasong ug Mohon; Barangay Dumlog ug Poblacion sa Marso 11 ug Marso 12 sa Barangay San Roque ug Tangke. Decemay P. Padill ug Gabriel C. Bonjoc/BDB (BANATNEWS)

COMELEC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with