^
Oversight committee sa kaugmaran sa Carbon naumol na
Kauban sa Megawide Construction Corporation sa maong committee ang mga representante sa Cebu City Government sama sa MOD ug ang mga leader sa vendors sa Carbon Public Market.
STAR/File

Oversight committee sa kaugmaran sa Carbon naumol na

Sanden J. Anadia (Banat) - March 3, 2021 - 12:00am

CEBU, Philippines — Ang hepe sa Market Operations Division (MOD) Irvin Cabales nibutyag nga naumol na ang special committee o oversight committee nga magsilbing policy-making body kinsa  mosusi sa implementasyon sa pag-ugmad sa Carbon Public Market.

Kauban sa Megawide Construction Corporation sa maong committee ang mga representante sa Cebu City Government sama sa MOD ug ang mga leader sa vendors sa Carbon Public Market.

Tumong niini nga mahatagan og luna ang habig sa vendors sa maong proyekto.

Matud ni Cabales nga nagpasabot kini nga adunay lapad gihimong lapad nga konsultasyon Megawide ngadto sa vendors.

Nasayran nga giingong mayoridad sa vendors uyon sa pagpalambo sa Carbon Public Market.

“Sa among mga meeting, duna ray mga concern ang vendors sa pipila ka provision ug mao na ang giplantsa karon. Sama nianang rentals ug uban pa”, matud ni Cabales.

Gipasalig ni Cabales nga walay ma-displace nga vendors sa maong proyekto.

Sayo pa ang mga vendor nipadayag sa ilang suporta sa modernisasyon sa Carbon Public Market apan ilang giklaro nga ang ilang gusto nga ang  kagamhanan sa siyuda maoy modumala  sa operasyon niini.

Sayo pa, gihimakak sa Megawide ang taho nga mahimo na nga pribado sa higayon nga mahuman na ang modernisasyon sa Carbon Public Market.

Gitataw sa maong kompaniya nga ang kagamhanan sa Siyudad sa Sugbo gihapon ang magpabiling operator sa merkado ug igo ra sila nga moabag niini.

Giingong duha ka tuig ang gihimo nila nga konsultasyon sa vendors ug ilang gipasalig nga walay ma-displace sa maong proyekto.

Gani makapadayon gihapon ang vendors sa ilang panginabuhian sa higayon nga sugdan na ang construction tungod kay ipahimutang sila og temporaryong pwesto. BDB (BANATNEWS)

CARBON PUBLIC MARKET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with