11 mil traffic violators nadakpan
CEBU, Philippines — Moabot ngadto sa 11,264 ka citation tickets ang naisyu sa Cebu City Transportation Office (CCTO) sa mga traffic violators sa buwan lang sa Pebrero.
Mas daghan kini kun itandi sa 10,836 citation tickets nga na-isyu sa buwan sa Enero.
Sa statement nga gipadala sa CCTO, subsob na karon ang pagukod sa mga badlongon sa kadalanan ilabi na nga daghan na ang mga nanggawas nga sakyanan.
Kasagaran sa ilang nadakpan walay lisensya, wala pagsunod sa traffic signs , gubaon headlights ug signal lights, illegal parking.
Ang CCTO niawhag sa mga motorista nga dili magpataka og parking sa ilang mga sakyanan kay makabalda sila sa ubang sakyanan ilabi na panahon nga dunay emerhensiya. Ang illegal parking adunay multa nga P1,500.— IBM (BANATNEWS)
- Latest
