^
Mga vendor sa Carbon nanawagan pagbasura sa JVA
Gikataho nga dul-an 100 ka manindahay sa Carbon ang nagtapok ug nagpahigayon og lihok-protesta diha sa atubangan sa Cebu City Hall kagahapon sa buntag.
STAR/File

Mga vendor sa Carbon nanawagan pagbasura sa JVA

Decemay P. Padilla (Banat) - March 2, 2021 - 12:00am

CEBU, Philippines — Dugang nga manindahay sa Carbon Public Market ang niapil sa mga nanawagan sa  opisyales sa Siyudad sa Sugbo nga ikonsiderar pagbalik ang Joint Venture Agreement nga ilang gisudlan tali sa Megawide Construction Corporation sa pag-redevelop sa merkado.

Gikataho nga dul-an 100 ka manindahay sa Carbon ang nagtapok ug nagpahigayon og lihok-protesta diha sa atubangan sa Cebu City Hall kagahapon sa buntag.

Ang maong mga vendor nagsul-ob kini og itom nga sinina aron ipadayag ang ilang pagsupak nga i-privatize ang Carbon Public Market.

Nisumiter usab ang grupo sa ilang pinirmahan nga petisyon ngadto kang Mayor Edgardo Labella sa ilang awhag sa pagbasura sa JVA.

Hinuon ang maong lihok protesta malinawon kini nga nahuman matud sa hepe sa Waterfront Police Station Police Major Edgar Labe.

Sa iyang bahin, si Labella nipasalig sa mga manindahay sa Carbon Public Market nga ang kagamhanan sa Siyudad sa Sugbo dili “mo-give up” sa managerial ug administrative authorities human unya sa pagpalambo sa maong merkado.

Dili kini ang unang higayon nga ang mga manindahay ug empleyado nga nagsalig diha sa Carbon Public Market nanawagan nga i-withdraw ang maong kasabotan tali sa Megawide.

Sayo pa, ang Cebu City United Vendors Association (CCUVA), Cebu Market Vendors Multi-Purpose Cooperative (CEMVEDCO) ug barangay officials sa Ermita nisupak nga ang Carbon Public Market dumalaon sa pribadong kompaniya.

Nihangyo sila sa city officials nga usbon ang pipila ka provision sa JVA tungod kay ilang nakita nga dili kini pabor sa mga manindahay ug sa city government.

Ang Megawide nisumetir kini og unsolicited proposal sa administrasyon alang sa redevelopment sa Carbon Public Market.

Ang Carbon Public Market maoy labing dako nga merkado sa siyudad nga adunay 4,000 mil ka manindahay ug stall owners.

Ang kagamhanan sa siyudad ug Megawide nagpinirmahay kini sa JVA niadtong Enero 15, 2021. Rowena D. Capistrano/BDB (BANATNEWS)

CARBON PUBLIC MARKET
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with