48 ka tawo sikop sa Cordova
CEBU, Philippines — Nadakpan sa kapolisan sa Cordova Police Station ang 48 ka mga tawo sa tulo ka adlaw nila nga Simultaneous Anti-Criminality Law Enforcement Operation (SACLEO) niadton g Pebrero 24 hangtod sa tungang gabii Pebrero 26, 2021.
Si Police Major Al - Nico Haman, hepe sa kapolisan sa maong lungsod mibutyag nga upat niini mga nalambigit sa pagpayuhot sa ilegal nga drugas nga silang Mark Christian Sitoy Choche, 34; Jason Aquino Ang, 48; Jacob Sumagang Tajanlangit, 30; Aldo Sumagang Baguio, 27.
Samtang duha sab ang nadakpan tungod sa warrant of arrest nga giluwatan ni Judge Lucila Cad-Enjambre, Prersiding Judge sa Branch 89, Regional Trial Court (RTC) nga nagbase sa Dakbayan sa Mandaue nga silang Marifel Sumalinog Bentulan. 24, ug Felix Baguio Sumalinog, 43.
Duna say nadakpan tungod sa paghupot og armas samtang dunay 35 ang gidakop tungod sa paglapas sa lagda sa trapiko ug minimum health protocols.
Sa pikas bahin, giawhag ni Konsehal Phillip Zafra sa Cebu City ang katawhan nga kun duna man gani mga espesyal nga okasyon nga saulogon sulod sa balay, labing maayo nga dili nalang modawat og mga bisita.
Matud sa konsehal daghan siyang nadawat nga report nga dunay mga panimalay nga dunay mga okasyon ang nangimbitar og taga laing barangay.
Nabalaka si Zafra nga tungod niini mopaspas ang pagkatap sa virus sa mga kabarangayan.
“Kun dunay mga okasyon , labing maayo nga pamilya lang ang magsalo sa pagkaon sa lamisa. Sa maong pamaagi, atong malikayan ang mga tapok-tapok,” suma pa ni Zafra.
Karong semanaha paspasan ang pag-roving sa mga Task Force Kasaligan ngadto sa kabaranggayan alang sa lapad nga pagpatuman sa quarantine protocols.— Sanden J. Anadia/IBM (BANATNEWS)
- Latest