Magtiayong seniors napunggit sa motor, usa patay
Cebu, Philippines — Patay ang usa ka lola samtang angol ang bana niini human silang duha nabanggaan og motorsiklo samtang silang duha luwan og biseklita diha sa National Highway Barangay Poblacion Medellin niadtong Miyerkules sa gabii.
Ang nakalas mao si Benedicta Baring, 69, taga Sitio Lower Landing, Daanlungsod sa maong lungsod samtang ang iyang bana nga naangol mao si Felix Baring, 70.
Ang nakadasmag kanila mao si Jose Ruel Nalzaro Jr., 22, ilaha rang silingan sa maong barangay kinsa naangol sab sa maong aksidente.
Gidala sa tambalanan ang mga biktima ug nagmaneho sa motor.
Base sa initial nga imbestigasyon nilang PCpl. Homer Lequigan ug Patrolman Jessie Argawanon padulong na pauli ang magtiayon sa dihang napunggit sa motorsilo sa maong batan-on.
Matud pa kusog kaayo ang padagan sa suspek sa motor sa dihang nadasmagan niini ang bisekleta hinungdan sa pagkalagpot sa duha sa sementadong dalan.
Si Benedicta gideklarar nga dead on arrival tungod sa grabeng kadaut sa ulo nga nahiaguman niini samtang ang bana nakaangkon ug mga bun-og sa kalawasan. (BANAT NEWS)
- Latest