Guidelines bahin sa curfew usahon
Cebu, Philippines — Laing executive order nga maglatid sa uniform guidelines sa pagpatuman og curfew sa mga kalungsoran ug mga component cities sa lalawigan sa Sugbo ang gikatakdang ipagawas ni Gobernador Gwendolyn Garcia.
Kini tungod kay sa pagkakaron, dili pare-parehas ang oras sa mga curfews sa matag lungsod o siyudad hinungdan nga duna gyuy problema ug kahasol nga nasugatan ang mga nanarbaho nga magabhian kun sila magagikan sa lungsod o siyudad nga mas dugay ang curfew unya ang ilang ulian sayo kaayo ang curfew.
Si Medellin Vice Mayor Alfonso Lim nitug-an sa gobernador nga naglibog sila tungod kay aduna silay silingan nga LGU nga alas 10 ang curfew ug tungod niini adunay uban magdali dali og uli sa ilang lungsod.
Si Garcia nagkanayon nga sa uwahi niyang EO kalabot sa curfew gisubay kini sa DTI guidelines nga alas-12 sa tungang gabii ang curfew magsugod.
“We are now crafting another executive order address to all local government units in the Province para naa tay uniformity kay kahibalo ko lain-lain ‘ron and I wish to remind all LGUs na let us conform with IATF and DTI guidelines,” matod ni Garcia. (BANAT NEWS)
- Latest
