^

70 ka taxi na-isyuhan og citation ticket sa CCTO

Sanden J. Anadia (Banat) - February 26, 2021 - 12:00am

CEBU, Philippines — Dul-an sa 70 ka  taxi units nga nagpataka og parking sa kadalanan sa Siyudad sa Sugbo ang dali nga gi-operasyonan sa  Cebu City Transportation Office (CCTO).

Giisyohan kini og citations tickets gumikan kay nagpatuyang kini og plastada nga tataw nga nakamugna og kahuot sa karsada.

Gipahigayon nila ang ilang operasyon sa may dalan Magallanes ug sa Colon area.

Segun sa statement sa CCTO, gitambagan usab nila ang mga taxi drivers nga dili pasagdan ang naka-pending nila nga citation tickets aron dili kini maisyohan og bench warrant.

“Sagad sa mga drivers nga ma isyuhan og citation ticket kay ila rang ibaliwala. Pero bisan gamay ra og multa ang maong city ordinance apan mahimo silang malutsan og Bench Warrant,” tipik sa statement sa CCTO nga naka-post usab sa ilang social media account.

Dugang panawagan nila nga dili angayan babagan ang kadalanan aron malikayan ang problema sa dagan sa trapiko sa siyudad.

Nasayran sobsub ang mga operasyon sa CCTO gani wala kini pili og ila gyud i- clamp bisan ang mga sakyanan sa gobyerno nga nagpataka og parking. 

Subay niini nanghinaot ang CCTO nga moabag ang mga barangay sa kampaniya sa Department of Interior and Local Government DILG kalabot sa pagtangtang sa mga nakabalda diha sa kadalanan. MEL (BANATNEWS)

CCTO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with