Durugista sikop sa buy bust sa MCPO
CEBU, Philippines — Natingkagol sa detention cell sa Station 5 sa Mandaue City Police Office ang suspetsadong pusher atol sa gipahigayong buy bust operation sa kapolisan niadtong Miyerkules sa gabii diha sa Sitio Kalipay, Barangay Opao, Dakbayan sa Mandaue.
Ang nasikop mao si Joren Mendoza, hingkod ang panuigon ug residente sa maong lugar.
Nangulo sa maong operasyon si Police Lieutenant Jessie Tan, deputy station commander sa Station 5 sa MCPO.
Nasakmit sa kapolisan gikan sa suspetsado ang mga pinutos nga shabu nga nibalor tanan ngadto sa P24 mil ug kalibre .38 nga revolver nga adunay mga bala.
Gikataho nga ang suspetsado kahadlokan diha sa ilang lugar tungod sa kaisog niini.
Ang suspetsado gikatakdang pasakaan og kasong paghupot ug pagbaligya og ilegal nga drugas ug paghupot og armas nga walay lisensiya. Romeo T. Limpangog/BDB (BANATNEWS)
- Latest
