^

Disiplinahon inay silotan ang quarantine violators

Decemay Padilla (Banat) - February 26, 2021 - 12:00am

CEBU, Philippines — Operasyon pagpanakop sa mga quarantine violators sa Carbon Police Station sa Dakbayan sa Sugbo niresulta sa pagkasikop sa 23 ka mga tawo atol sa gihimong Oplan Bulabog Miyerkules sa gabii.

Matud sa hepe sa kapolisan sa maong presinto nga si Police Major Kenneth Albotra pulos mga residente sa Barangay Ermita, Kalubihan ug Pahina Central ang mga  nasikop.

Sila gidakop tungod sa paglapas sa quarantine protocols sama sa curfew hours nga nagtapok gihapon sa gawas ug wala magsul-ob og facemask.

Matud ni Albotra kada adlaw sila nagpahinumdom sa publiko nga naa gihapon ang quarantine protocols tungod kay ang Cebu City naa paman sa Modified General Community Quarantine (MGCQ).

“Mao to kagabie part gihapon sa atoang SACLEO so mao to daghan kaayo ta na apprehend nga mga violators, I think 23 persons atong nakuan, curfew and no facemask,” sigon ni Albotra.

Ang kapulisan ingon man ang Cebu City government hugot gyud nga nagpahinumdom sa katawhan nga motuman sa minimum health protocols ilabi na karon nga padayon nagsaka ang kaso sa coronavirus sa siyudad.

Hinoon nakita ni Albotra nga samtang nagkadugay hinay-hinay ng misunod ang mga tawo sa mga health protocols apan naa lang gyuy uban matod pa nga malimot.

Apan kun si Cebu City Vice Mayor Michael Rama maoy pasultihon ang pagpahamtang og dagkong multa sa mga quarantine violators dili makasulbad sa problema aning pagsaka sa mga kaso kondili makamugna hinuon kini og daghang problema.

“Wa na’y kwarta ang mga tawo, pamultahon pa nimo? So unsay mahitabo? Mao bitaw na nga I’ve always been advocating down the line, let’s just be disciplined. Now at the same time, dili ta anang punitive, I’ve always been corrective, “ matud pang Rama sa forum nga giorganisar sa Cebu Citizens Initiative kagahapon nga may temang ‘Living on Covid-19.’

Si Rama kinsa maoy convenor sa vaccine board mihatag og importansya sa displina sa tawo pinaagi sa pagsunod sa minimum health protocols.

Si General Mel Feliciano, ang IATF deputy chief implementer for Visayas sa iyang bahin kinsa miapil sa forum miingon nga ang Cebu Emergency Operations Center karon nipatuman na og daghang programa pagdisiplina sa mga tawo.

Ang mga station commanders sab sa mga police stations giawhag nga makigalayon sa mga barangay kapitan nga magpahigayon og mga rekoridad pagpatuman sa minimum health protocols, kinahanglang mosumbong ang taga barangay ngadto sa kapolisan aron ang polis maoy mamadlong ilabi na sa mga sudlonong bahin sa kabarangayan.

 “The virus now has mutated and its transmissibility is higher that is why we now we have higher cases,” matud ni Feliciano kinsa miingon nga dili kayahon sa Cebu City kung pahugtan pagbalik ang quarantine protocols.— Mae Fhel Gum-os, Mitchelle Palaubsanon/IBM (BANATNEWS)

VIOLATORS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with