^
COMELEC: Walay premature campaigning sa giplastar nga streamers
Gidugang ni Sarno nga sa pagka-karon, naa ra gyud sa kamot sa nagkadaiyang local government units ang paghingusog sa regulasyon sa illegal nga pagtapot sa propaganda materials.
STAR/File

COMELEC: Walay premature campaigning sa giplastar nga streamers

Sanden J. Anadia (Banat) - February 25, 2021 - 12:00am

CEBU, Philippines — Dili pa matawag nga premature campaigning ang gibuhat sa ubang indibidwal nga nagtaod na og propaganda banners.

Suma pa ni Cebu City North District election officer Atty. Marchel Sarno nga wala pa’y filing sa candidacy busa tataw nga wala pay matawag nga mga kandidato karong panahona.

Gidugang ni Sarno nga sa pagka-karon, naa ra gyud sa kamot sa nagkadaiyang local government units ang paghingusog sa regulasyon sa illegal nga pagtapot sa propaganda materials.

Nasayran ang pagduso sa certificates of candidacy magsugod karon pang buwan sa Oktubre.

Una niini gipatangtang sa Office of the Building Official (OBO) ang  streamers nga dunay suwat nga “Run Sara Run” nga gitaod sa  pipila ka bahin sa kadalanan ilabi na sa mga skywalk sa Dakbayan sa Sugbo.

Ang maong streamers nagdasig sa Presidential Daughter Sara Duterte-Carpio nga modagan pagka-presidente sa sunod nga piniliay.

Nasuta nga wala kini permit busa gimandoan na sa OBO ang Prevention, Restoration, Order, Beautification and Enhancement (PROBE) team nga tangtangon ang maong mga streamers.

Gipahibawo ni Sarno nga karong October 29, 2021, mo-post ang Comelec og listahan sa mga kandidato ngadto sa ilang website ug opisina aron maka-check pa ang mga kandidato sa spelling sanglit mao na kini ang mogawas sa balota.

Ang campaign period alang sa modagan sa posisyon nga presidente, bise presidente, senador, ug party-list mosikad karong Pebrero 8 hangtud sa Mayo 7, 2022. Alang sa lokal nga mga kandidato, magsugod ang kampanya karong Marso 25 hangtud sa Mayo 7, 2022. —MEL (BANATNEWS)

COMELEC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with