^

Labella di motugot og lockdown

Sanden J. Anadia (Banat) - February 24, 2021 - 12:00am

CEBU, Philippines — Dili mosugot si Cebu City Mayor Edgardo Labella nga ipaubos og balik sa lockdown ang Dakbayan sa Sugbo gumikan kay luoy na kaayo ang mga tawo ilabi na nga daghan na ang nawad-an og panginabuhian sugod pa sa miaging tuig.

Suma pa ni Labella nga ipamentinar ra gyud niya ang modified general community quarantine (MGCQ) ang siyudad.

“We’ve experienced unsa kapait kung mag-lockdown, so there will be no more lockdown in the entire city. Because og mahitabo na simbako lang, luoy kaayo ang atong mga katawhan, mosamot kalisod ang kinabuhi. So, we will never allow. Dili ta mo-resort anang lockdown of the entire City of Cebu. No way,” nagkanayon si Labella atol sa iyang virtual press conference kagahapon.

Kun mosaka gani ang quarantine  status sa usa ka lugar, nagpasabot nga dunay ubang negosyong masira, nagpasabot kini nga duna na pu’y mawad-an og trabaho sama sa nahitabo sa miaging tuig.

Kun ang Inter -Agency Task Force mopasaka gyud sa quarantine status andam si Labella pagsunod apan kutob ra sa gitawag nga “granular lockdowns” sa pipila ka bahin sa mga sitio , sama sa compound o establisamento nga gikatahong dunay daghang kaso sa COVID19.

Pinaagi niini dili tanang panginabuhian ang maapektohan.

Una ng mipadayag si Cebu Gov. Gwendolyn Garcia ug Lapu-Lapu City Mayor Junard Chan nga dili na sila mosugot og lockdowns tungod kay maglisod na gyud og bangon anbg ekonomiya ug daghan ang mawad-an og trabaho.

Iyaha lang gyung hangyo ug awhag sa mga tawo nga mosunod gyud sa mga health protocols ug dili magkompiyansa.

Wala niya tugoti makapangabli ang mga sinehan, concerts ug operasyon sa buwangan aron way magpundok-pundok  kay kuyaw kaayong magkatinakdanay. —IBM (BANATNEWS)

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with