^

Mga turista sa Cebu City kinahanglang magpa swab test

Sanden J. Anadia (Banat) - February 24, 2021 - 12:00am

CEBU, Philippines — Human sa lapad nga konsultasyon sa mga medical experts gipahibalo ni Mayor Edgardo Labella nga padayonon sa siyudad ang testing protocols sa Department of Health alang sa mga turistang gustong manganhi sa dakbayan.

Sukwahi kini sa baruganan sab ni Cebu Gov. Gwendolyn Garcia nga wala na mo-require sa mga turista nga magpaubos sa RT-PCR Test kung gusto nilang moduaw sa lalawigan.

Bisan gihinay-hinay na og bukas ang turismo sa siyudad gusto sa mayor buhaton kini  nga gituman ang safety protocols.

Si Labella miingon nga iyang gitahod ang pamaagi ni Garcia sa probinsiya apan lahi sab ang iyaha dinhi sa siyudad.

Plano niya nga pabutangan og mga personnel sa Emergency Operations Center ang seaports sa  siyudad aron ma-facilitate ang pagsulod sa mga pasahero.   Usa kini sa pamaagi sa siyudad aron masuta kun kinsa kadtong motikang sa siyudad  ug sa probinsya.

Si Garcia niluwat og executive order nga nipaluag sa travel restrictions sa mga gusto mobyahe alang sa mga tourism-related activities sa Probinsya sa Sugbo.

Sa maong EO ang mga local tourists kinahanglan ra mopakita og valid medical certificate aron makapalit og ticket alang sa ilang pagbiyahe.

“The medical certificate shall be issued by a reputable doctor and within seven (7) days prior to the travel date,” pagbasa sa EO No. 12.

Kinahanglan usab nga makapakita sila og proof sa ilang pre-booking sa hotel or resort nga accredited sa Provincial Tourism Task Force nga anaa nahimutang sa probinsya atol sa duration sa ilang pagbisita sa lalawigan.

Ang turista kinahanglan usab nga makapasar sa symptoms checking o screening sa point of departure ug point of arrival niini.

Ang destinasyon sa turista mamahimong mo-issue og “reasonable  regulation” nga isumiter ug aprobahan sa buhatan sa gobernador ug dayon isumiter usab ngadto sa DILG.

Ang maong EO giluwat niadtog Pebrero 22, 2021.

Sa laing bahin , ang  Sub-Task Group LSI sa Regional Task  Force-7 mohingusog sa ilang sugyot nga paluagan og gamay ang travel requirements alang sa “returning residents “ nga gitawag kaniadto og locally stranded individuals.

Suma pa ni returning residents focal person sa Department of Interior and Local Government (DILG-7) Michael Braga  hasol kaayo sa mga mamauling residentre kining mga travel requirements  nga kapin usa ka tuig nang giptuman ug giantos sa publiko.

Nasayran nga dunay mga local government units (LGU’s) ang padayon nga nangayo og medical certificates, travel authority, letter of acceptance , barangay clearance, swab test results, ug uban pa nga hasol kaayong lukaton.

Nagkanayon si Braga nga sa panahon  karon dili maayong lisud-lisoron ang katawhan ilabi na kining ubang mamauli nawad-an og trabaho dinhi sa siyudad.

 “Dili ta ganahan nga patas-an pa ang ilang pag-antos. Wala gani kauli, buslot pa gyud ang bulsa. Siguro mas angayan nga  ang labing importante lang nga requirements ang angayan dalhon. We have to strike a balance without compromising our health,” suma pa ni Braga. – Le Phyllis F. Antojado/IBM (BANATNEWS)

SWAB TEST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with