^
Tibuok lalawigan alerto kang Auring
Gipakita sa mga taga Cordova ang diwa sa Bayanihan pinaagi sa pagtinabangay sa mga tawo pagsaka sa mga bangka ug pumpboats sa mga mananagat aron dili kini magusbat ini og igo sa bagyong Auring karong adlawa.
Joy Torrejos

Tibuok lalawigan alerto kang Auring

Le Phyllis F. Antojado (Banat) - February 22, 2021 - 12:00am

CEBU, Philippines — Nagpabiling kalma ang lakaw sa panahon sa Probinsya sa Sugbo kagahapong adlawa taliwala sa hulga sa bagyong Auring nga gipaabot moabot sa Sugbo ilabi na sa amihanang bahin sa Probinsya karong adlawa.

Ang Provincial Disaster Risk Reduction and Management Office (PDRRMO) walay nadawat nga bisa’g unsang report nga dunay mga dautang panghitabo sa probinsya.

Hinoon pipila ka mga lungsod ug syudad ang nagpahigayon og pre-emptive evacuation. Didto sa Daanbantayan, 120 ka mga pamilya nga naa nagpuyo sa babayon ug prone sa pagbaha gikan sa sitio Mahayahay, Danawan, Sta. Cruz, Bwangan and Guimbawian sa Barangay Poblacion ang gipabakwit ngadto sa Daanbantayan National High School.

Samtang 101 ka mga pamilya o 422 ka mga indibidwal gikan sa lima ka barangay sa syudad sa Danao ang gipabakwit usab sa LGU tungod kay anaa sila sa mga lugar o sa isla, daplin sa dagat ug sapa o sa hazard prone areas namuyo.

Ang maong mga residente gikan sa barangay Malapoc, Dunggoan (Isla Verde, San Roque, San Vicente, Sta. Cruz), Guinsay (Tawsan, Libon) Suba ug Looc.

Ang ubang LGUs wala pay natala nga pagpabakwit nga nasumiter ngadto sa PDRRMO apan padayon gihapon ang monitoring ug ang red alert status sa Probinsya sa Sugbo.

Kaabag sa PDRRMO ang Cebu Police Provincial Office (CPPO) sa pagpahiklin sa mga tawo sa mas luwas nga dapit matud pang Police Colonel Aladdin Collado, CPPO Chief.

“So the good thing here is we have a proactive approach, meron tayong preventive measures and preparations,” matud ni Collado.

“Sa ngayon wala pa namang na rereport sa akin... however, we have this periodic reporting every two hours,” dugang pa ni Collado.

Sa pikas bahin gipapasilong karon diha sa San Roque gym sa Cebu City ang kapin sa 70 ka pasaherona na-stranded kay wala palargaha ang mga barkong ilang sakyan tungod sa bagyo.

Suma pa sa office-in-charge sa Cebu City Disaster Risk Reduction Management Office (CCDRMO) nga si Ramil Ayuman nahatagan og pagkaon ang maong stranded nga pasahero.

Gitambagan sa CCDRMO ang nga nagpuyo sa bakilid ug kadtong nagpuyo dapit sa sapa nga magmabinantayon kanunay ug mobakwit dayon kun pananglitan maapeke na sila sa sitwasyon.

Gawas sa CCDRRMO, nakaalerto usab    ang Department of Social  Welfare and Services (DSWS) kinsa maoy mo-asses sa  mga panginhanglanon alang sa mga pamilya nga maapektohan sa kalamidad.

Kagahapon sa hapon adunay dakong kahoy nga natumba sa  Sitio Lupa, Barangay Sapangdaku  maong wala makaagi ang mga  sakyanan tungod dunay mga wires sa kuryente nga naapil pagkaigo sa kahoy.

Samtang sa Dakbayan sa Talisay, gimando ni acting mayor Alan Bucao ang temporaryong pagpasira sa  Manipis Road  sugod sa miaging tungang gabii aron milikay sa disgrasya ang mga motorista sanglit landslide prone area kini.

Si Alvin Santillana,  pangulo sa Local Disaster Risk Reduction and Management Office (LDRRMO) maoy mirekomendar niini kang Bucao.

Tungod niini upat ka barangay ang maapektohan niini, kini naglangkob sa Lagtang, Jaclupan, Campo 4, ug Manipis.

Giawhag ni Bucao ang mga residente sa maong dapit nga magbinantayon kanunay. —Iris Hazel M. Mascardo, Sanden J. Anadia/IBM (BANATNEWS)

TYPHOON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with