^

LGUs sa Sugbo nangandam kang Auring

Decemay Padilla (Banat) - February 20, 2021 - 12:00am

CEBU, Philippines — Mga nagkadaiyang local government units nangandam sa pagigo sa bagyong Auring karong mosunod nga mga adlaw.

Si Cebu City Mayor Edgardo Labella nakigtagbo na sa Cebu City Disaster Risk Reduction Management Office(CCDRRMO) ug ni Konsehal Dave Tumulak ug gihisgutan ang pagpangandam kay gipaabot nga karong adlaw nga Domingo kini motugpa ug posibleng maapektahan ang amihanang bahin sa lalawigan ug ang Lapu-Lapu City.

Gimando ni Labella nga buksan 24-oras ang komunikasyon nga mahimong matawgan sa katawhan kun pananglitan dunay emerhensiya aron makab-ot angt tinguhang ‘zero casualty.’

Gawas sa CCDRRMO ug ni Tumulak apil sab sa meeting nila ang mga personnel sa Bureau of Fire Protection ug ubang representante sa national agencies.

Giandam na ang mga ambulansiya ug mga ekipo didto sa kabukiran kun dunay pagdahili sa yuta.

Samtang ang Dakbayan sa Talisay kansang baybayon pirmeng maigo sa storm surges sa nanglabay nga katuigan nangandam na sab ubos sa pagdumala ni acting mayor Alan Bucao.

Si Police Lt. Col. Gerard Ace Pelare, pangu sa Talisay City Police Station nibutyag nga ilang sirhan ang karsada sa Barangay Manipis kay mao kini ang sige lang dunay mahitabong pagdahili sa yuta.

Sugod  karong adlawa ipaubos sa red alert status ang Daanbantayan tungod bagyo samtang ang Local Disaster Risk Reduction and Management Council nagplano na pagpatuman og pinugsanay nga pagpabakwit kung gikinahanglan.

 “The Philippine Coastguard has temporarily suspended sea trips starting today. Passenger boat operators and fishermen are cautioned not to put lives at risk by venturing out into the sea,” pagbasa sa post sa Municiaplity of Daanbantayan Facebook page kagahapong adlawa Pebrero 19, 2021.

Sa lungsod sa Santa Fe sa isla sa Bantayan nabantayan na ang pagdako sa mga bawod maong gidid-an na sab ang mga biyahe sa kadagatan. –Gabriel Bonjoc, Le Phyllis F. Antojado/IBM (BANATNEWS)

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with