^
Pagdaghan sa kaso nakaalarma na
Human sa pipila ka adlaw nga pagka-kampante sa sitwasyon sa coronavirus disease sa Dakbayan sa Sugbo, si Konsehal Joel Garganera, Deputy Chief Implementer for Inter-Agency Task Force Emergency Operation Center miingon nga may kabalaka kini karon sa pagabot-abot sa mga pasyente diha sa mga tambalanan.
STAR/File

Pagdaghan sa kaso nakaalarma na

Decemay Padilla (Banat) - February 13, 2021 - 12:00am

CEBU, Philippines — Human sa pipila ka adlaw nga pagka-kampante sa sitwasyon sa coronavirus disease sa Dakbayan sa Sugbo, si Konsehal Joel Garganera, Deputy Chief Implementer for Inter-Agency Task Force Emergency Operation Center miingon nga may kabalaka kini karon sa pagabot-abot sa mga pasyente diha sa mga tambalanan.

Matud niya sa miaging adlaw dunay 30 ka pasyenteng na-admit sa tambalanan samtang pagkasunod gabii laing 20 ka tawo na sab ang na-admit tungod gihapon sa Covid-19.

Sumala pa sa konsehal nagkaanam og kadaghan ang mga na-admit nga nataptan og Covid-19, hinuon nagpasalamat siya kay sila duna lang mild-moderate nga sintomas.

Ang occupancy rate sa mga health care facilities (tambalanan) sa Cebu City anaa sa 41 porsiyento sa pagkakaron. Hinuon, layo pa kini sa 60 nga 70 percent nga capacity health care facility.

Apan si Garganera nabalaka gihapon tungod kay sa miaging mga semana naa ra sa 21 percent ang occupancy rate sa health care facility.

“You might say layo ra na siya sa 60 or 70 percent but mind you, three weeks ago naa ta sa 21, but it is expected tungod kay daghan man atong kaso. Daghan man sad gud especially those that maka-afford nga they go directly to the hospital just to be safe. But if you look at the hospitals nato mild to moderate raman gyud,” pasabot pang Garganera.

Ang konsehal nabalaka nga moabot unya ang adlaw nga basin mapuno-puno na sab ang mga tambalanan tungod niining  magpa-admit sa mga tambalanan bisan dili kinahanglan.

Sa pikas bahin, dugang hotels sa dakbayan ang nagtinguhang magpa accredit aron mahimong isolation center sa mga tawong nataptan og Covid-19 ug adunay kapasidad nga mobayad alang sa ilang isolation period.

Pagkakaron, dunay upat ka hotel sa siyudad nga gitagana para sa taga Cebu City nga magpa-quarantine , wala pa kini labot sa lain pang hotels nga accredited sa Department of Health isip isolation facility. Aduna nasab walo ka mga Barangay Isolation Centers nga giandam, unom niini duna nay mga pasyente.— Rowena D. Capistrano/IBM (BANATNEWS)

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with