^

Nangandado na-trap sa sunog

Decemay Padilla (Banat) - February 6, 2021 - 12:00am

CEBU, Philippines — Usa patay sa nahitabong sunog sa Sitio Sario ug Sitio Siwac, Barangay Bulacao siyudad sa Sugbo, niadtong Huwebes sa gabii. Kapin sa 100 ka mga balay ang naugdaw sa maong hitabo.

Alas 8:53 sa gabie dihang nadawat sa kabomberohan sa siyudad ang alarma. Giingong nagsugod ang sunog sa panimalay sa usa ka Lolisa Cabaluna kinsa wala na igkita human sa sunog.

Ang Cebu City Fire Office kagahapon sa buntag mibalik sa sa panimalay ni Cabaluna ug sa pagkuykoy sa mga abo nakita ang napaig nga lawas niini.

Ang igsuon niini nga si Luisa Capa nga  taga Dakbayan sa Talisay miadto sa lugar pagkahibawo niyang nasunog ang lugar sa iyang igsuon.

“Gabie(Huwebes) sige’g pangita sa bombero wala gyud igkita siya kay makita man nato nga di mailhan kung ngitngit. Siya raman kuno usa diha nagpuyo sa iyang balay, mang padlock man kuno na siya,” sigon pa ni Fire Officer 3 Emmerson Arceo, Lead Investigator sa Cebu City Fire Office. Si Arceo miingon base sa ilahang imbestigasyon nag-brownout sa lugar, dihang mibalik na ang kuryenti  nisilaob ang balay ni Cabaluna.

“Among gitan-aw una is possible ang kuryenti pud kay brownout man gikan unya pagsiga pero ingon sa mga silingan daghan kuno nakakita nga nagkandila, daghan kuno og sanina sulod sa iyahang balay,” dugang ni Arceo.

Gawas sa nakalas adunay mga naangol nga sila si Elaine Dela Victoria, 50;  Rosario Cabales, 55; Moreno Ebrado, 27; pulos naglisod ginhawa ug Alipio Juquilon Jr., 67, kinsa nagka 1st degree burn sa iyang mga kamot.

Base sa listahan sa Department of Social Welfare and Service moabot sa 118 ka panimalay ang naapektuhan sa sunog. Ang mga nasunogan temporaryo nga gipahiluna sa Bulacao Community School ug giatiman sa mga sakop sa DSWS.

Sumala pa nga sudlonon kaayo ang lugar mao nga naglisud sila pagsud dayon.— Rowena D. Capistrano/IBM (BANATNEWS)

FIRE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with