Mga establisamentong di mokooperar ipublikar
CEBU, Philippines — Kun padayon nga magmagahi , ipublikar gyud sa head sa Emergency Operations Center (EOC) nga si Konsehal Joel Garganera ang mga pangalan sa establisamento nga dili gyud mokooperar sa gipahigayong contract tracing effort sa siyudad alang sa pagpakgang ang pagkatap sa novel coronavirus disease sa siyudad. Nasagmuyo ang konsehal sa mga establisamentong matud pa dili gyud mopasulod sa ilang team nga maghimo og contact tracing.
“Starting now, if there are establishments nga dili mo-cooperate namo, lisud-lisoron nila ang among mga contact tracers kay daghan baya ta’g kaso, then I will not be hesitant to name names,” sumala pa ni Garganera.
Matud pa niya nga dili unta batasan sa EOC nga mohingalan og establisamento apan kun lisud-lisoron gani ang contact tracers mapugos gyud sila sa pagpangalan kanila.
Alang ni Garganera importante ang kooperasyon sa mga establisamento aron paspas nilang maaksyonan ang problema.
Gitambagan niya ang mga negosyante nga kun duna gani nagpositibo nila nga mga empleyado kinahanglan silang mopahibalo sa EOC.
Sa laing bahin, gidugangan sa siyudad ang holding area alang sa mga quarantine violators. Nahimutang kini diha sa gym San Roque ug alang kini sa mga minor nga gipang-rescue.
Ang laing usa kay ipahimutang diha sa gym sa Barangay Ermita alang sa kini sa violators diha sa Carbon Market.
Kun duna gani minor nga ma-rescue ipatawag gyud ang mga ginikanan iini. —IBM (BANATNEWS)
- Latest
