PDEA misusi sa gigikanan sa illegal nga drugas nga gipaagi sa post office

CEBU, Philippines — Gisubay karon sa buhatan sa Philippine Drug Enforcement Agency 7 ang mga pangalan sa return to sender nga mga parcel nga adunay sulod nga dangerous drugs kung rehistrado ba kini nga mga kompaniya.

Suma pa sa tigpamaba sa PDEA-7 Leia Albiar-Alcantara, gisusi karon sa ilang licensing office kun rehistrado ba ang maong mga kompaniya

Gitug-an ni Alcantara, base sa 9165 ang mga pharmacy nga mamaligya ug regulated drugs kinahanglan magkuha ug lisensya gikan sa PDEA ug kung mamaligya sila nga walay license mahimo usab sila nga kasuhan.

Dugang pa ni Alcantara, gisusi ang mga sender kay sila nagduda nga dili tinuod ang mga pangalan sa mga establisamento. Samtang sa laing balita gitanggong karon sa detention cell sa Cordova Police Station ang pusher og shabu nga nasikop sa buy bust operation diha sa Sitio Nara, Barangay  Pilipog  sa maong lungsod.           

Si Police Captain Al-Nico- Haman ang hepe sa Cordova Police Station miila sa dinakpan nga mao si Gil Waskin Baguio, 43 anyos nagpuyo sa maong dapit.                    

Matud pa ni Haman nga usa ka semana ang ilang pagpaniid sa kalihukan ni Baguio ug napahigayon ang buy-bust operation.       

Upat ka gagmay nga pakete sa shabu ingon man marked money ang nakuha gikan sa suspetsado. —Romeo T. Limpangog/ MEL (BANATNEWS)