PUJ sa Talisay wala pay interest nga makabiyahe sa Cebu City
CEBU, Philippines — Wala pay bisan usa nga Public Utility Jeepney (PUJ) ang nipakita og interest nga mobalik na sa pagbiyahe diha sa Siyudad sa Sugbo. Si Jonathan Tumulak, hepe sa City of Talisay Traffic Operation and Development Authority (CT-TODA) nibutyag nga wala pa siya’y nadawat nga aplikasyon alang sa pagkuha og special permit.
Niadtong niaging tuig daghan na unta sa mga drayber sa PUJ ang gustong mobiyahe sa Siyudad sa Sugbo. Apan napalaw kini tungod kay wala pa nitugot ang opisyales gumikan sa padayon nga pandemiya.
Nahibaw-an usab nga niadtong buwan sa Disyembre nitugot na ang Siyudad sa Sugbo nga mopasulod og mga PUJ. Apan ang mga drayber nipili nalang usab nga anha sa Dakbayan sa Talisay magbiyahe.
Sa pagkakaron, ang mga PUJ nagbiyahe-an gikan sa Siyudad sa Naga paingon lang sa Siyudad sa Talisay. —BDB (BANATNEWS)
- Latest
