Benepisaryo sa socialized housing sa Toledo City salaon og maayo
CEBU, Philippines — Usa ka makuting survey ug screening ang pagahimoon sa kagamhanan sa Toledo City alang sa pagpili sa mamahimong benepisaryo sa P200 milyones nga socialized housing project sa siyudad.
Kini aron malikayan kadtong mga gitawag og professional informal settlers o kadtong magpakaaron-ingnong way kapuy-an apan diay to adunay daghang properties ug dagko pa gyud kaayo og balay nga gustong mamentaha sa uban.
Suma pa sa head sa Community Affairs and Development (CAD) sa Toledo nga si Ferliza Contratista nga target sa maong proyekto ang pipila ka bahin sa Barangay Magdugo.
Gipasalig sa Toledo City Government mipasalig nga sugdan na ang maong proyekto sulod karong tuiga.
Una na nga gi-report sa CAD nga nasulod sa Annual Investment Plan (AIP) ang maong katuyoan ug usa kini sa gipresentar sa ilang city administrator nga si Architect Ferdinand Marquez atol sa City Development Council (CDC) Meeting sa miaging tuig.
Nasayran nga andam na ang disenyo niini nga gibuhat mismo ni Marquez
Usa mga pasiunang plano mao pagtukod sa mga condo-type housing diin gatosan ka mga pamilya ang makabenipisyo niini.
Kahinumdoman nga gipaaktibo ni Mayor Marjorie Perales ang Local Housing Board (LHB) aron mahatagan og hamugaway nga kapuy-an ang kuwalipikado nga informal settlers. —IBM (BANATNEWS)
- Latest