^
Health protocols estriktong ipatuman sa santander
Alang sa Locally Stranded Individuals (LSI) kinahanglan nga mopakita gyud og negatibong swab test result aron makakuha og barangay acceptance letter ug laing acceptance letter gikan sa LGU.
STAR/File

Health protocols estriktong ipatuman sa santander

Sanden J. Anadia (Banat) - January 25, 2021 - 12:00am

CEBU, Philippines — Miisyu og bag-ong advisory ang kagamhanam sa Lungsod sa Santander kalabot sa istriktong pagpatuman sa health protocols sa ilang dapit sugod karong adlawa, Enero 25.

Alang sa Locally Stranded Individuals (LSI) kinahanglan nga mopakita gyud og negatibong swab test result aron makakuha og barangay acceptance letter ug laing acceptance letter gikan sa LGU.

Kinahanglan usab ang LSI nga mopaubos og 14 ka adlaw nga kuwarentina sa giandam nila nga pasilidad. Mahimo ra kini mopaubos og home quarantine kun nag-inusara kini sa pagpuyo. Apan sa higayon nga makit-an nga nagsuroy-suroy kini, ibalhin dayon kini sa quarantine facility.

Gitugotan lang gihapon ang 50% nga gidaghanon sa mga tawo nga makatambong sa novena sa kapilya ug misa sa simbahan, samtang itugot ra gihapon ang mobile procession.

 Alang sa magpakasal, bunyag ug birthday, gitugotan lang ang 20 ngadto sa 25 ka tawo nga gikan sa laing lungsod ang makatambong sa maong okasyon.

Kun dunay kombira, 50% lang gihapon ang gidaghanon sa tawo ang tugotan ug kinahanglan nga magpahibalo gyud sa ilang barangay.

Alang sa authorized person outside residence (APOR) nga dili kaabot og 14 ka-adlaw sa Santander, dili mahimong makagawas-gawas sa ilang balay hangtud nga dili sila mubalik sa trabaho o molarga.

Apan alang sa mga APOR nga nagpuyo gyud sa Santander, adunay barangay health workers (BHW) ang mag -monitor sulod sa 14 ka adlaw.

Gimanduan usab ang tanan sa pagsul-ob ug facemask ug faceshield kun musulod sa mga buhatan sa munispiyo apil na ang merkado ug sa ubang pampublikong lugar.

Mopahigayon usab og mga checkpoint ang kapolisan sa nagkadaiyang dapit sa lungsod. —MEL (BANATNEWS)

HEALTH PROTOCOLS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with