Smart meter gamiton sa water system nga idumala sa Kapitolyo

CEBU, Philippines — Nagplano ang Probinsya sa Sugbo nga mogamt og smart meters alang sa pagbasa sa water bill sa water distribution system nga idumala unya sa Probinsya sa Sugbo.

“Electronically, ang kada cubic meter nga gikunsumo that would feed into our own central system so that on a cut-off date the bills will also be automatically generated to be distributed to the different households,” matud ni Cebu Governor Gwendolyn Garcia.

Gitan-aw kini sa Kapitolyo nga pamaagi alang sa mas dali nga pagbasa sa metro sa tubig.

Gitinguha kini sa kapitolyo nga masugdan sa unang quarter sa tuig 2021 karon nga gipaabot nga ang Probinsya sa Sugbo mao nay modumala sa level three water system sa lungsod sa Carmen pinaagi usab sa Provincial Inter-Lgu Waterworks Systems.

Ang hunta probinsyal nipasar na kini og resolution pag ratify sa resolution No. 2021-01 o ang pag gama sa “Cebu Provincial Inter-Local Government Unit (LGU) Waterworks System.”

Ang mango water work system sa kapitolyo, gipaabot nga maoy mo operate ug modumala sa mga inter-municipal water system ubos sa buhatan sa gobernador. – MEL (BANATNEWS)