BRT gilaumang ma-operational sulod sa tuig 2021
CEBU, Philippines — Gilauman nga sa dili pa matapos ang tuig 2021 mamahimo nang partially operational ang Cebu Bus Rapid Transit (BRT) project.
Ang maong P16.5 bilyones nga proyekto gilaoman nga magsugod sa buwan sa Abril niining tuiga ang construction niini. Kini ang gianunsiyo ni Department of Transportation (DOTr) Secretary Arthur Tugade atol sa inugurasyon sa bag-ong opisina Land Transportation Franchising and Regulatory Board (LTFRB)-7 sa nilabayng mga adlaw.
Sa report sa Sugbo News, gianunsiyo usab ni Tugade nga ang P77.57 bilyones Cebu Monorail ang gipaabot nga ma-partially operational ug ang Sugbo maoy usa sa mga lugar diin kini ipatuman.
Ang BRT gipanglantawan nga makatabang pagpaloag sa trapiko sa Metro Cebu. Ang Probinsya sa Sugbo nagsugod na kini pagpatuman sa mga solusyon aron maloagan ang trapiko hilabina sa metropolitan area. Lakip sa gihimo ang pagpatuman sa “no left turn policy, no-crossing policy” diha sa mga lungsod sa Consolacion ug Minglanilla. –BDB (BANATNEWS)
- Latest