^
Mananagat sa Bohol hayan makabalik na og dunggo sa Pasil Fish Port
Matud pa niya nga hapsay ra ang gihimo niya nga negosasyon tali sa opisyales sa Bohol ug sa uban nga local government units.
STAR/File

Mananagat sa Bohol hayan makabalik na og dunggo sa Pasil Fish Port

Sanden J. Anadia (Banat) - January 22, 2021 - 12:00am

CEBU, Philippines — Gibutyag sa head sa Market Operations Division nga si Irvin Cabales  nga iyaha na nga  girekomendar nga tugotan na og balik ang mga mangingisda sa Bohol nga makadala sa ilang supply  diha sa Pasil Fish Port.  Matud pa ni Cabales nga giproseso karon ang gikinahanglan nga clearances sa nagkadaiyang ahensya aron makabalik sa operasyon ang kapin sa 20 ka bangka gikan sa Bohol.

Bana-bana ni Cabales nga posibleng makabalik na sila sa pagdunggo karong Marso.

Matud pa niya nga hapsay ra ang gihimo niya nga negosasyon tali sa opisyales sa Bohol ug sa uban nga local government units.

Sa laing bahin, gitinguha sa Toledo City nga himoong tourist attraction ang fish sanctuary sa Barangay Bato.

Sa report sa Toledo City Public Information Office, giingong mas daghang klase sa isda ang naa sa maong dapit.

Bisan ginganlan og Power City ang maong siyudad, giingong daghan pud kini og ikadalit nga nindot nga mga lugar, ug usa na niini ang umaabot nga Mangrove Park diha sa Barangay Ibo. — Sanden J. Anadia/MEL

Sinulog dance wa pay klaro sa kasaulogan sa 500 years sa Kristiyanismo

Gibutyag ni Acting Mayor Michael Rama nga dili pa niya matino kun “virtual” o pisikal ba ang himoon nga Sinulog dance performance atol sa selebrasyon sa “500 Years of Christianity“ karong Abril.

Matud pa niya nga nakig-alayon na siya sa kadagkuan sa simbahan alang sa pagsayaw sa kapin sa 20 ka Sinulog contingents.

Sa nasayran nakanselar ang pisikal nga Sinulog Grand Showdown niadtong Enero 17 gumikan sa rekomendasyon sa Regional Inter-Agency Task Force tungod sa COVID19.

Nakahukom ang executive committee sa Sinulog nga iuswag nalang sa selebrasyon sa “500 Years of Christianity “ang pagpasundayag sa Sinulog dance.

Sa laing bahin, gipaabot nga hugopan sa mga debotos ang kasaulogan sa hubo mass nga maoy magtak-op sa ika-456th Fiesta Senior celebration karong adlawa.

Subay niini, si Cebu City Councilor Phillip Zafra, Chairman sa Committee on Peace and Order mitug-an nga wala nila gilugakan ang security ug safety measures nga gipatuman sa palibot sa Basilica Minore del Sto. Niño. —Decemay P. Padilla/MEL (BANATNEWS)

FISH PORT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with