^
Polis nadestino sa Pilgrim nagpositibo sa COVID-19
Ang direktor sa Cebu City Police Office Police Colonel Josefino Ligan nagkanayon nga ang maong polis anaa na kini karon sa isolation facility ug nagpahigayon na usab sila ug contact tracing sa mga nakauban niini.
Edd Gumban/File

Polis nadestino sa Pilgrim nagpositibo sa COVID-19

Decemay P. Padilla (Banat) - January 22, 2021 - 12:00am

CEBU, Philippines — Usa ka polis kinsa nakasinati og dili maayong pamati sa panglawas ug nagpaubos sa swab test ang nagpositibo sa COVID-19.

Ang direktor sa Cebu City Police Office Police Colonel Josefino Ligan nagkanayon nga ang maong polis anaa na kini karon sa isolation facility ug nagpahigayon na usab sila ug contact tracing sa mga nakauban niini.

Ug ang pamilya sa maong polis ang gi-quarantine na usab ug nagpaabot kini sa ilang schedule sa swab test.

Matud ni Ligan nga ang maong polis nadestino kini diha sa Santo Niño Pilgrim ug tinguha na unta kining kuhaon tungod kay wala nay physical masses apan wala kini nabalik sa iyang pwesto human nakasinati kini og dili maayong pamati sa panglawas.

Ang maong polis maoy unang kaso human nga na-COVID-19 free ang kapolisan sa nilabay’ng tuig.

Nunot niini si Konsehal Joel Garganera, deputy chief implementer sa Inter-Agency Task Force Emergency Operations Center Cebu City nagkanayon nga dili angayang mabalaka  tungod kay ang mga polis nga nadestino sa nahisgotang lugar nituman sa basic health protocol sama sa pagsul-ob og facemask ug face shield.

Sa laing bahin, ang Cebu City adunay  60 ka bag-ong kaso sa COVID-19 kini base sa datos nga gipagawas sa Department of Health (DOH)-7 niadtong Miyerkules.

Ang siyudad adunay 11,575 total cases diin 689 niini ang active cases.

Niabot na usab ngadto sa 10,185 ang recoveries lakip na niini ang 21 nga nadugang ug 701 ang kinatibuk-ang gidaghanon sa namatay.

Ang Mandaue City dunay 2,845 ka total cases diin 148 niini ang active cases lakip na niini ang 16 ka bag-ong kaso.

Ang siyudad adunay 2,525 ka kinatibuk-ang gidaghanon sa recoveries ug 172 ang namatay.

Ang Lapu-Lapu City adunay 2,765 ka kinatibuk-ang kaso diin 112 niini ang active cases lakip niini ang pito nga bag-ong nadugang, 2,541 ang recoveries ug 112 ang kinatibukang gidaghanon sa namatay.

Sa datos sa DOH-7 ang Central Visayas adunay 26,777 total cases sa COVID-19; 2,049 ang active cases; 23,271 ang recoveries ug 1,457 ang gidaghanon sa namatay.

Samtang ang Dakbayan sa Talisay adunay siyam ka bag-ong kaso ang nadugang ug duha niini ang naka-recover na.

Ang siyudad aduna kini 1,013 nga kinatibuk-ang kaso diin 60 niini ang active cases, 950 ang naka-recover, 103 ang namatay. —Rowena D. Capistrano, Romeo T. Limpangog, Gabriel C. Bonjoc/BDB (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with