CEBU, Philippines — Gibana-bana nga mokabat sa P460 million ang balor sa nasakmit sa Bureau of Customs nga mga gipalusot nga kargamento niadtong miaging tuig.
Kini ang gipahibawo ni Bureau of Customs Cebu acting district collector Charlito Martin Mendoza.
Suma pa ni Mendoza nga ang maong mga kontrabando ug kargamento gipada pinaagi sa 69 ka shipment gikan sa nagkalain-laing nasud sa kalibutan.
Ang maong mga kargamento gilangkuban sa tobacco, motor vehicles and parts, used clothing, unregistered medicines ingon man foodstuff, general merchandise, agricultural products ug uban.
Si Mendoza miingon nga pipila sa mga nasakmit nga butang ang gi-subasta na samtang ang uban usab gipangguba, sama sa tobacco nga gikonsiderar nga kontrabando ug dili mahimong ipaubos sa public-auction.
Subay niini nanawagan ang Bureau of Customs ngadto sa mga negosyante nga mobayad sa saktong buhis ug ideklarar ug tarong ang ilang mga kargamento aron malikayan nga sila madakpan og mapasakaan ug kaso sa korte.
“My message sa mga businessmen natin is for them to declare their goods and pay proper taxes para walang problema. Kami naman ayaw namin na manghuli because we also want to facilitate business,” nagkanayon si Mendoza
Gidugang ni Mendoza nga ang mga sakop sa ilang ahensya padayon nga mogukod ug mosumpo sa smuggling. —The Freeman/MEL