_banat
^
Bag-ong taripa sa tricycle hugot gipatuman sa Carcar
Matud pa ni Candice Acuña, ang public information sa siyudad, nihimo ug random check-up ang bise mayor aron pagsuta kun motuman ba sa bag-ong taripa ang mga tricycle drivers.
STAR/File

Bag-ong taripa sa tricycle hugot gipatuman sa Carcar

Rowena D. Capistrano (Banat) - January 18, 2021 - 12:00am

CEBU, Philippines — Aron  pagsiguro nga walay mga tricycle drivers nga malapason sa bag-ong taripa nga gisitar sa kagamhanan sa Dakbayan sa Carcar mismo si Vice Mayor Nicepuro Apura ang nangulo sa gipahigayon nga random check diha sa gawas mismo sa bag-ong merkado sa Carcar kagahapong adlawa.

Matud pa ni Candice Acuña, ang public information sa siyudad, nihimo ug random check-up ang bise mayor aron pagsuta kun motuman ba sa bag-ong taripa ang mga tricycle drivers.

Human gibuksan ang bag-ong merkado sa Carcar ang mga opisyal uban sa mga tricycle driver ang nagtagbo aron isitar kung pila gayud ang tukma nga pletihan hinungdan nga nigawas ang bag-o nga taripa.

Dugang pa ni Acuña, ang pagsusi usab ug ang pagawas sa bag-ong taripa, natigayon human adunay nadawat nga taho nga dunay mipahimulos ug mipasaka sa ilang pletihan.

Gitug-an ni Acuña sa pagkakaron Executive Order pa ang maong taripa ug wala pa kini multa sa mga malapason gawas kung kini mahimo na nga ordinansa.

Ang mga driver nga masakpan nga nakalapas sa maong kamanduan dili na kini tugtan nga makapasada sa sentro sa siyudad. —MEL (BANATNEWS)

CARCAR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with