CEBU, Philippines — Dugang 100 ka units sa modernized jeepneys sa Cebu People’s Jeep ang gipaabot nga padaganon sa nagkalain-laing rota dinhi sa Metro Cebu human 30 ka units sa Lahug Apas Transport Cooperative ang nagsugod sa pag-operate niadtong Enero 16, 2020.
Suma pa ni Land Transportation Franchising and Regulatory Board-7 regional director Eduardo Montealto, Jr. nga ang 30 ka modernized jeep nag-operate sa mga rota sa Lahug, Apas ngadto sa Carbon.
Gidugang ni Montealto nga gisugdan na og proseso ang provisional authority to operate sa dugang 100 ka units. “Once mahuman na ang ilang provisional authority then we will issue their special permit to operate. Expected maka operate na sila within this month,” Montealto said.
Samtang ang gipaabot nga 50 units sa MPUJs alang sa Cordova ug Lapu-Lapu sa Metro Cebu Transport Cooperative nga moabot unta karong Enero 20, 2021 nakasinate og kalangay.
“Kung dili na moabot ilang mga units on January 20, so basin next month na na sila makasugod og operate sa maong mga units,” segun ni Montealto.
Ang LTFRB-7 nagpaabot nga dunay mokabat sa 4,000 units sa modernized jeep ang mo-operate dinhi sa Cebu alang ning tuiga nonot sa ilang tinguha nga mapadayon ang implementasyon sa Public Utility Vehicle Modernization Program.
Suma pa ni Montealto nga kadaghanan sa mga traditional jeepney operators ang mibalhin na og misagop na sa modernization nga posibleng hingpit na mawagtang ang mga traditional jeepneys. —The Freeman/MEL