^
Oberes: Barangay hall sa Cansojong nakalapas sa road easement
Ang grupo ni Edwin Nierves, pangulo sa task force subsob nga nipatuman sa road clearing operation nga mando sa Department of Interior and Local Government (DILG) sugod niadtong niaging semana.
STAR/File

Oberes: Barangay hall sa Cansojong nakalapas sa road easement

Gabriel C. Bonjoc (Banat) - January 16, 2021 - 12:00am

CEBU, Philippines — Giangkon ni Kapitan Vic Oberes sa Barangay Cansojong, Dakbayan sa Talisay nga ang ilang barangay hall maoy usa sa mga gub-onon sa task force sa road clearing.

Kini gumikan kay ang gitukoran sa edipisyo sa barangay hall nakalapas sa road easement.

Ang grupo ni Edwin Nierves, pangulo sa task force subsob nga nipatuman sa road clearing operation nga mando sa Department of Interior and Local Government (DILG) sugod niadtong niaging semana.

Matud ni Oberes nga hagbay ra unta sila mobalhin apan adunay kakulian kaniadto.

Apan karon pinaagi sa tabang ni Mayor Gerald Anthony “Samsam” Gullas Jr. nakakita sila og pwesto.

Gibutyag ni Oberes nga ilaha nalang gipaabot ang program of works aron masugdan na og trabaho ang ilang barangay hall.

Nasayran nga mokabat ngadto sa P6.4 milyones ang proyekto ug ang siyudad giingong motabang niini.

Sa niaging adlaw, wala lang una tandoga sa task force ang barangay hall sa Cansojong.

Sa laing bahin, sa nagpadayon nga road clearing gipahibalo sa Prevention, Restoration, Order, Beautification and Enhancement (PROBE) team nga na-comply na gyud nila ang paghawan sa mga nakabalda sa gitawag nga hot spot areas sama diha sa dalan Colon, pipila ka bahin sa north reclamation area, Osmeña Boulevard , ug sa gawas nga bahin sa South Bus Terminal.

Subay usab kini sa kamandoan sa DILG kalabot sa paghawan sa mga nakabalda diha sa kadalanan.

Matud s pangulo sa PROBE Raquel Arce nga gawas sa 500 ngadto sa 600 ka vendors ilaha usab nga nabadlong kadtong mga indibidwal nga nihimo og estambayanan  , kapuy-an ug kaligoanan ang mga sidewalk.

Bisan pa man nga nahawan na kini, padayon gihapon nila kini nga gi-monitor aron mabadlong kadtong mobalik og pwesto sa maong mga area. Gihangop ni Arce ang mga indibidwal nga nihatag og kooperasyon sa kampaniya sa nasudnong kagamhanan.

Tipik sa kamandoan sa DILG nga kinahanglan usab nga motabang sa pag-implementar ang opisyales sa barangay diin sila maoy adunay dakong papel sa kampaniya sa road clearing. —Sanden J. Anadia/BDB (BANATNEWS)

BARANGAY HALL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with