Cebu City ikalima nga adunay daghang bag-ong kaso COVID-19
Ang Cebu City adunay 11,194 nga kinatibuk-ang kaso sa COVID-19 diin 414 ang active cases.
The STAR/Michael Varcas

Cebu City ikalima nga adunay daghang bag-ong kaso COVID-19

Decemay P. Padilla (Banat) - January 14, 2021 - 12:00am

CEBU, Philippines — Nikabat ngadto sa 46 ang natalang bag-ong kaso sa COVID-19 sa Cebu City kini base sa datos nga gipagawas sa Department of Health (DOH)-7 niadtong Martes.

Ang Cebu City adunay 11,194 nga kinatibuk-ang kaso sa COVID-19 diin 414 ang active cases.

Niabot na usab ngadto sa 10,083 ang recoveries sa Cebu City lakip na niini ang 16 nga bag-ong nadugang ug naa sa 697 ang kinatibuk-ang namatay lakip ang tulo nga nadugang.

Samtang sa Dakbayan sa Mandaue aduna kini 83 active cases ug 2,770 ang kinatibuk-ang kaso sa siyudad lakip niini ang unom nga bag-ong nadugang.

Ang siyudad aduna kini 2,515 ka recoveries ug 172 ang  kinatibuk-ang namatay.

Samtang ang Lapu-Lapu City aduna kini 2,708 ka kinatibuk-ang kaso lakip na niini ang tulo ka bag-ong nadugang diin 71 niini ang active cases.

Ang siyudad aduna kini 2,525 ka kinatibuk-ang recoveries ug 112 ang  gidaghanon sa mga namatay.

Sa datos sa DOH-7 ang Central Visayas adunay 25,818 ka kinatibuk-ang kaso, 1,332 ang active cases; 23,042 ang recoveries ug 1,444 ang nangamatay.

Nasayran nga ang Cebu City nalandig sa ikalimang pwesto sa mga Local Government Unit nga adunay daghang bag-ong kaso sa COVID-19 kini base usab sa datos sa DOH niadtong Enero 12, 2021.

Si Mayor Edgardo Labella nagkanayon nga gimandoan na niya ang Cebu City Health Department, Emergency Operations Centers sa pagpangandam. Subay niini, ang Central Visayas aduna 83 ka bag-ong kaso diin usa niini sa Bohol, 26 sa Probinsiya sa Sugbo ug usa sa Siquijor.

Sa laing bahin, wala na kinahanglana pa nga mausab ang estado sa Dakbayan sa Mandaue ngadto sa general community quarantine gikan sa kasamtangan nga modified general community quarantine (MGCQ) nunot usab sa pagsaka sa gidaghanon sa bag-ong kaso sa COVID-19.

Kini ang gipadayag ni Mayor Jonas Cortes kinsa nagkanayon nga ang pagsaka sa bag-ong kaso sa COVID-19 sa dakbayan dili pa makapaalarma.

Matud ni Cortes nga gilauman ang pagsaka sa kaso tungod sa holiday break diin daghang tawo ang nanggawas. — Le Phyllis F. Antojado, Romeo T. Limpangog/BDB

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with