City Administrator moatubang sa  kaso nga ipasaka sa CFI
Si Casas kinsa mao sab ang Chairperson sa Joint Venture Selection Committee (JVSC) miingon nga katungod sa CFI ang pagpasaka og kaso batok nila ug wa sila mahadlok niini.
STAR/File

City Administrator moatubang sa kaso nga ipasaka sa CFI

Decemay P. Padilla (Banat) - January 14, 2021 - 12:00am

CEBU, Philippines — Andam nga atubangon ni Cebu City Administrator Atty. Floro Casas ang kaso nga ipasaka sa Cebu CFI Community Cooperative batok kanila may kalabutan sa paghatag og pagtugot sa JVSC sa Megawide Construction Corp. pag-develop sa Carbon Market.

Si Casas kinsa mao sab ang Chairperson sa Joint Venture Selection Committee (JVSC) miingon nga katungod sa CFI ang pagpasaka og kaso batok nila ug wa sila mahadlok niini.

Una niini mihulga ang CFI nga mopasaka og criminal complaint batok sa Joint Venture Selection Committee nga mipabor sa Megawide Construction Corporation’s sa proyekto pagpanindot sa merkado sa carbon.

Giklaro ni Atty. Casas nga nagtuman sila sa saktong proseso ug ilang gihangop ang maong lakang sa CFI aron mahatagan sila og higayon nga madungog ang ilang habig.

Gitubag sab ni Atty. Casas ang pasangil nga wala sila mohatag og kopya sa JVA proposal ngadto sa CFI bisan paman og nibayad sila og P50,000 ug mipadayag og interes sa pag-develop sa Carbon Market..

Suma pa ni Casas nga wa mosumitir og notarized letter of intent ang CFI hinungdan nga wala mahatagi sa nahisgutang dokomento, gidawat sa city treasurer ang kwarta pending sa requirement nga ilang gipangayo.

Ang kwarta nga gibayad wala pa nauli apan sigon ni atty. casas kun kuhaon kini sa CFI mahimo nila kining kuhaon kay ang siyudad wala’y basis nga mo-hold niini.

Kahinumduman nga niadtong Lunes ang Cebu City Government ug Megawide Construction Corp. nag-pinirmahay na sa Joint Venture Agreement aron paninduton ang Carbon Market gani karong buwan sa Marso gikatakda nga mahitabo ang ground breaking sa phase 1 sa proyekto. —MEL (BANATNEWS)

CITY ADMINISTRATOR
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with